18:47
Millimizin almaniyalı baş məşqçisi Berti Foqts bu gün Birləşmiş Ərəb Əmirliklərinin Dubay şəhərində qarşıdan sabah Macarıstana qarşı keçiriləcək yoxlama oyunu ilə bağlı mətbuat konfransı keçirib. Foqts öncə komandamızın durumu haqda danışıb:
- Deyə bilmərəm ki, futbolçuların oyun formasından razıyam. Onlar başa düşməlidilər ki, biz Azərbaycan çempionatının oyununa yox, beynəlxalq matça hazırlaşırıq. Hiss olunur ki, komanda iki aydı bir araya gəlmir. Futbolçularımız çox gec qərar verirlər. Onların müdafiədən hücuma çıxmalarından çox narazıyam.
- Belə çıxır ki, onlar klublarının toplanışında yaxşı hazırlaşmayıblar?
- Mən belə deməzdim. Futbolçular özləri başa düşməlidilər ki, yığma səviyyəsində daha cəld düşünüb, qərar vermək vacibdi. Klub məşqçiləri heyəti çempionata hazırlayır, mən isə seçmə mərhələnin oyunlarına. Bu, böyük fərqdi. Məşqçilərin öz vəzifələri, məqsədləri ola bilər, futbolçular isə daim öz üzərlərində işləməklə inkişafa çalışmalıdılar.
- Macarıstan yığmasını necə dəyərləndirərdiz?
- Macarıstan yığması güclü komandadı. Onların oyunçuları İngiltərə, İtaliya və digər güclü futbol ölkələrində çıxış edir. Bizimlə aralarında böyük fərq var. Buna baxmayaraq, uğursuz statistikaya son qoymaq da lazımdır. Ancaq gözləməyin ki, biz böyük hesabla qələbə qazanacağıq. Azərbaycandan İngiltərədə, İtaliyada neçə futbolçu çıxış edir?
- Macarıstan yığmasının 3 aparıcı oyunçusu sabah meydanda olmayacaq...
- Məndə belə informasiya yoxdu. Onların əvəzində başqa futbolçuları oynayacaq.
- Rəşad Sadıqovla Mahir Şükürovun durumu necədi?
- Deyə bilərəm ki, onlar formalarını bərpa edirlər. Mən də onları məşqlərdə görmüşəm.
Rəşad ölkədən kənarda oynamağa özü qərar verdi. İndi hər şeyi etməlidi ki, komandasında əsas heyətə düşsün. Hər halda sabah biz də onu iş başında görə biləcəyik.
- Debütantlardan nə dərəcədə razı qaldınız?
- Əlbəttə, yeni oyunçulara çətindi. Ancaq onlara öz üzərlərində daha çox işləmək lazımdı, bacarıqlı uşaqlardılar.
- Macarıstanla görüşün nəticəsini Dubay toplanışınıza əsas qiymət kimi dəyərləndirmək olar?
- Hazırlığımız bununla bitmir. Bizim Belçika ilə oyuna kimi vaxtımız var. Futbolçularımıza klublarının oyunlarında, məşqlərində də özlərini göstərmək, çoxlu çalışmaq lazımdı. Ona görə ki, oyun təcrübəsi böyük əhəmiyyət daşıyır.
Mənbə: azerisport.com
Azərbaycanda ilk
Messidən 2 qol ötürməsi
Azərbaycan UEFA reytinqində irəlilədi
"Kəpəz" onun transferini rəsmən açıqladı
Qurban Qurbanov: “Transferə ehtiyacımız var”
"Hesabı bərabərləşdirə bilərdik" - "Şelburn"un baş məşqçisi
“Qarabağ” Çempionlar Liqasının 3-cü mərhələsində!
Messi MLS-də ən yaxşı seçildi
"Karvan" "İmişli"yə qalib gəldi
"Qarabağ”ın Kəhəri fanatlar qarşısında - Video
"Qəbələ"də daha bir ayrılıq - Rəsmi
Özbəkistan millisinin üzvü "Başakşehir"də
"Qarabağ" - "Şelburn": Heyətlər
"İlk oyunun özündən tam razı qalmadım" - Valdas Dambrauskas
"Qarabağ"ın bugünkü oyununa nə qədər bilet satılıb?
Azərbaycan millisinin futbolçusu “Beşiktaş”la anlaşdı
