Azərbaycan millisi 2011-ə məğlubiyyətlə başladı (YENİLƏNİB)

Dubayda təlim-məşq toplanışında olan Azərbaycan milli komandası bu gün yoxlama görüşü keçirib. Qol.Az-ın məlumatına görə, millimizin 2011-ci ildə ilk oyunundakı rəqibi hazırda Ukraynanın yüksək liqasında 19 oyundan sonra ücüncü pilləni tutan "Metallist" (Xarkov) klubu olub.

Qeyd edək ki, "Metallist" Avropa Liqasının 1/8 finalına vəsiqə qazanıb. Bu ay onlar Almaniyanın "Bayer" klubu ilə qarşılaşacaq.

"Metallist"in millimizlə oyunu Bakı vaxtı ilə saat 16.00-da başlayıb. Oyun əsasən rəqibin üstünlüyü şəraitində keçib və ukraynalılar 1:0 hesabı ilə qələbə qazanıb. Bu, həm də millimizin 2011-ci ildəki ilk oyunu və ilk məğlubyyəti olub.

16.00. Azərbaycan - "Metallist" (Ukrayna) - 0:1
Qol: Aleynik, 85 (0:1)


Millimizin start heyəti: Andrey Popoviç, Ruslan Abışov, Vurğun Hüseynov, Samir Abasov (Elvin Məmmədov), Aleksandr Çertoqanov, Elnur Abdullayev (Rail Məlikov), Rahid Əmirquliyev, Cavid Hüseynov, Arif İsayev, Samir Zərgərov, Vaqif Cavadov (Fabio Luis Ramim)

"Metallist"in start heyəti: Vladimir Dişlenkoviç, Sergey Pşeniçnıx, Milan Obradoviç (k), Sergey Berezovçuk, Vitali Bordiyan, Şarpar, Sergey Valyayev, Fininyo, Denis Oleynik, Barsellos Tayson, Conatan Kristaldo


Matç başladı

3. Oyun əsasən meydanın mərkəzində gedir.

6. Ukraynalı futbolçu bir müdafiəçidən keçsə də, digər müdafiəçimiz topu uzaqlaşdırmağa nail olur.

11. Futbolçularımız rəqibi meydanın mərkəzində qarşılayır. Hücumçumuz rəqibin cərimə meydançasına girsə də, köməyə gələn olmur.

16. Ukraynalı futbolçunun 18 metrdən vurduğu topu qapıçımız Popoviç tutur.

22. Yenə ukraynalı futbolçu bir müdafiəçimizi keçir, lakin millilərimiz bu hücumun da qarşısını alır.

26. Oyunda temp aşağı düşüb. Təhlükəli hücumlar nəzərə çarpmır.

30. Ukrayna klubunun hücumçu Tayson qapıya başla zərbə endirsə də, top qapının üstündən keçir.

34. Ukrayna klubunun hücumçu Tayson mərkəzdə topu ələ keçirərək inamla irəliləyir. Bir neçə müdafiəçimizi arxada qoyan Tayson cərimə meydançasına girərək, qapıya doğru zərbə endirsə də,top dirəyin azacıq yanından ötür. Bu oyunda ən təhlükəli epizod idi.

36. Yenidən cərimə meydançamıza girən Tayson yerə yıxılsa da, hakim davam işarəsi verdi.

41. Kristaldonun asmasından sonra Pişeniçnıxın vurduğu top qapının üstündən aşır.


Fasilə
 
Qeyd edək ki, futbolçularımız fasilədə 12-13 dəqiqə deyil, 20 dəqiqə istirahət ediblər.

İkinci hissə başladı

49. Rəqib oyunçu Taysonunun qarşısı kobudluqla dayandırılır və futbolçumuz sarı vərəqə ilə cəzalandırılır.

53. Yenidən qapımıza doğru asma və top qapının üstündən keçir.

58. Valyayev 3 müdafiəçimizdən sıyrılaraq Pişura əla ötürmə verir. Sonucunun 14 metrdən vurduğu top isə qapının üstündən aşır.

62. Milli komandamız sağ cinahdan hücuma keçir. Cərimə meydançasına asma, lakin rəqib futbolçular sayıq davranırlar.

68. Milli komandamız yenidən hücuma keçir. Qapıya doğru zərbə və qapıçı çətinliklə də olsa, topu küncə çıxarır. Künc zərbəsindən asmadan sonra başıla zərbə, lakin top dirəyə dəyir.

70. Oleynikanın qapımıza doğru zərbəsi yandan keçir.

75. Daha bir futbolçumuz sarı vərəqə ilə cəzalanır.

80. Oyun əsasən meydanın mərkəzində keçir. Rəqib komanda pressinq tətbiq etməyə çalışır. Lakin hələlik təhlükəli bir hücum yoxdur.

85. Aleynik hesabı açır. Millimiz uduzur - 0:1

87. Hücumçumuz təxminən 40 metrdən qapıya doğru zərbə vurur və rəqib qapıçı topu çıxarmağa müvəffəq olur.

88. Rəqib futbolçu sarı vərəqə ilə cəzalanır.

Oyun başa çatdı