Jiloan Hamad: "Berti Foqtsun təklifini qəbul etmədim, ancaq..."

Jiloan Hamad: "Berti Foqtsun təklifini qəbul etmədim, ancaq..."
ÖLKƏ FUTBOLU 27 Yanvar 2011 / 15:09 3257
-  A +

İsveç millisinin və "Malmö" klubunun azərbaycan əsilli futbolçusu Jiloan Hamad yenidən diqqət mərkəzinə düşüb. Qol.Az-ın məlumatına görə, 20 yaşlı futbolçu İsveç mətbuatına verdiyi müsahibədə milli komandası və hazırki klubu barədə danışıb: "İsveçdə olmağımdan çox şadam. Burada futbolu çox sevirlər. Hazırki komandam ilə intensiv məşqlər edirik. "Malmö"də istedadlı futbolçular az deyil. Lakin mən öz oyunumla onlardan üstün olduğumu sübut etməyə çalışıram. Bilirəm ki, əgər zəif çıxış etsəm komanda mənimlə yollarını ayıracaq. Çünki bu klubda rəqabət həmişə güclü olub. Ona görə də, var gücümlə çalışıram ki, əsas heyətdəki yerimi itirməyim".

Gənc futbolçu eyni zamanda İsveç milli komandasındakı mövqeyinə də toxunub: "İsveçin U-21 millisində özümü yaxşı tərəfdən göstərdiyim üçün məni əsas komandaya dəvət ediblər. Əlbəttə ki, bu mənim üçün sevindirici haldır. Bildiyiniz kimi, mən Bakıda doğulmuşam. Azərbaycan yığmasının baş məşqçisi Berti Foqts məni milliyə dəvət etsə də, bunu qəbul etmədim. Çünki mən karyeramı İsveçdə davam etdirmək istəyirəm. Artıq bura öyrəşmişəm. Foqtsun təklifini qəbul etmədim, ancaq İsveç millisindəki mövqeyimi də hələ təmin etməmişəm. İsveç millisinin əsas heyətində yer almağım üçün öz üzərimdə daha çox işləməliyəm. Əks təqdirdə, yığmadan kənar qala bilərəm".  

 

Daha çox


Son xəbərlər
16.12.25  11:14

18 ildən sonra

16.12.25  11:04

Jardim istefa verdi