"Barselona" ÇL-dən kənarlaşdırılarsa...

"Barselona" ÇL-dən kənarlaşdırılarsa...
DÜNYA FUTBOLU 31 Mart 2023 / 09:31 3648
-  A +

"Barselona" Çempionlar Liqasından kənarlaşdırılacağı təqdirdə UEFA-dan 100 milyon avro təzminat tələb edə bilər .

Qol.az xəbər verir ki, bu barədə "Mundo Deportivo" məlumat yayıb. Belə bir mümkün addım "Barselona"nın Çempionlar Liqasında hər mövsüm qazandığı gəlirə əsaslanır. Bu rəqəmə UEFA-nın qərarı nəticəsində klubun itirəcəyi sponsorluq və ya mal gəlirləri ilə bağlı zərərlər də daxildir.

Qeyd olunur ki, UEFA istənilən qərarın qəbulu üçün İspaniya məhkəmələrinin "Barselona" - Neqreyra işi ilə bağlı qərar çıxarana qədər gözləməlidir. Əks halda, klub qurumu məhkəməyə verə bilər.

Martın 10-da İspaniya prokurorluğu “Barselona”ya qarşı hakimlər komitəsinin keçmiş vitse-prezidenti Xose Mariya Enrikes Neqreiraya klub tərəfindən 7,3 milyon avro rüşvət ödənilməsi ilə bağlı ittiham irəli sürüb.


Son xəbərlər