Derbi öncəsi "Fənərbaxça"da problemlər

Derbi öncəsi "Fənərbaxça"da problemlər
DÜNYA FUTBOLU 21 Mart 2023 / 17:32 3398
-  A +

Türkiyə Superliqasının 27-ci turunda "Beşiktaş"la qarşılaşacaq "Fənərbaxça" derbi öncəsi ciddi itkilərlə üzləşib.

Qol.az "Hürriyet"ə istinadən xəbər verir ki, İstanbul təmsilçisinin hücumçuları Coşua Kinq və Enner Valensiya Superliqanın 26-cı turunda "Alanyaspor"la oyunda zədələnib.

Valensiya 1 ay yarım yaşıl meydanlardan uzaq qalacaq. Kinq isə 4-5 həftə sonra komandaya kömək edə biləcək.

Mişi Batşuayi isə Avropa Liqa 1/8 final mərhələsinin "Sevilya" ilə cavab görüşündə zədələnmişdi. Belçikalı forvard ən azı 1 ay meydana çıxa bilməyəcək.

Niderlandlı müdafiəçi Cayden Ostervolde isə son məşqdə zədələnib. Onun durumu bu gün bəlli olacaq.

Qeyd edək ki, milli komandaların oyunları ilə əlaqədar yaranana fasilədən sonra Superliqada 27-ci turun oyunlarının vaxtı hələlik dəqiqləşməyib. Türkiyə mətbuatı "Fənərbaxça" - "Beşiktaş" matçının aprelin 2-də keçiriləcəyini yazıb.


Son xəbərlər