23:10
“Bakı” klubunun baş məşqçisi Aleksandr Starkov Qazaxıstanın “Şaxtyor” (Karaqanda) komandası ilə oyundan sonra fikirlərini bildirib. Qol.Az-ın müxbiri ilə söhbətində latviyalı mütəxəssis komandasının oyunundan razı qaldığını deyib.
Onun fikrincə, “Bakı” qələbə də qazana bilərmiş. Bununla belə Starkov 1:1 hesablı nəticəni ədalətli sayıb: “Maralı oyun oldu. Hər iki komandanın ifasında açıq futbolun şahidi olduq. “Bakı” “Akjayık” matçı ilə müqayisədə daha yaxşı təsir bağışladı. Komandamın oyunundan razı qaldım. Qələbə də qazana bilərdik. Bununla belə, oyunun nəticəsini ədalətli sayıram”.
56 yaşlı mütəxəssis Vaqif Cavadovun oyunu barədə də müsbət fikirlər söyləyib: “Vaqif dünənki oyunla müqayisədə daha yaxşı təsir bağişladi. Rəqibə çox çətin anlar yaşatdı. Ondan həm yarımmüdafiəçi, həm da hücumçu kimi yararlana bilərik”.
Baş məşqçi ilk 2 oyundan sonra transferlərə dair qərar verəcəyini bildirmişdi. Jurnalistlər Starkova bu açıqlamasını xatırlatdıqda o deyib: “Biz hücum və orta xətti gücləndirməliyik. Amma ilk iki oyun yenicə başa çatıb. Konkret hansı futbolçuları alacağımızı isə müəyyən təhlillər apardıqdan sonra müəyyənləşdirəcəyəm”.
Müllerin yeni klubu bilindi
"Karvan" yeni transferini açıqladı
AFFA-nın Elit hakimlər siyahısında kimlər var? - Şəkillər
"Səbail" növbəti transferini rəsmən açıqladı
"Ayaks" "Zalsburq"dan onu transfer edir
"Turan Tovuz" Türkiyə klubu ilə bərabərə qaldı
"Bavariya" Diası nə vaxt təqdim edəcək?
"Sumqayıt"da yeni müqavilə - Rəsmi
