23:10
Türkiyənin Antalya şəhərində təlim-məşq toplanışını davam etdirən Ağdamın "Qarabağ" klubu bu gün ikinci yoxlama matçını keçirib. Qol.Az-ın məlumatına görə, "Qarabağ" bu gün Türkiyənin II liqa klubu "Ərdəmirspor"la qarşılaşıb.
Görüşün ilk dəqiqələrindən irəli atılan Qurban Qurbanovun yetirmələri oyununun taleyini elə birinci hissədə həll edib. İlk 45 dəqiqədə 8 qol vuran "Qarabağ" bununla da, 2011-ci ildə ilk böyük hesablı qələbəsini qazanıb. Georgi Admaiyanın hesabı açmasından sonra, Rəşad Sadiqov fərqi artırıb. Bundan sonra isə səhnəyə Rauf Əliyev çıxıb. Gənc hücumçu bu oyunda pokerlə yadda qalıb. Daha sonra isə Elvin Məmmədov və Vüqar Nadirov da hərəyə bir dəfə fərqlənməklə "Qarabağ"ın böyük hesablı qələbəsində pay sahibi olublar.
Xatırladaq ki, Qurban Qurbanovun yetirmələri ilk yoxlama görüşündə Qazaxıstanın "Jetisu" klubuna 2:3 hesabıyla məğlub olub.
Qeyd edək ki, "Qarabağ" - "Ərdəmirspor" görüşü nəzərdə tutulandan 10 dəqiqə tez başlayıb.
22 yanvar
Yoldaşlıq oyunu
16:50. "Qarabağ" (Azərbaycan) - Ərdəmirspor (Türkiyə) - 8:0 Qollar: Georgi Admaiya, 12 (1:0), Rəşad Sadiqov, 18 (2:0), Rauf Əliyev, 23, 25, 28, 37 (3:0 ; 4:0 ; 5:0 ; 7:0), Elvin Məmmədov, 35 (6:0), Vüqar Nadirov, 41 (8:0)
"Qarabağ"ın start heyəti: Boyan Pavloviç, Qara Qarayev, Samir Abbasov, Admir Teli, Ansi Aqolli, Namiq Yusifov, Rəşad Sadiqov, Georgi Adamiya, Vüqar Nadirov, Elvin Məmmədov, Rauf Əliyev
Müllerin yeni klubu bilindi
"Karvan" yeni transferini açıqladı
AFFA-nın Elit hakimlər siyahısında kimlər var? - Şəkillər
"Səbail" növbəti transferini rəsmən açıqladı
"Ayaks" "Zalsburq"dan onu transfer edir
"Turan Tovuz" Türkiyə klubu ilə bərabərə qaldı
"Bavariya" Diası nə vaxt təqdim edəcək?
"Sumqayıt"da yeni müqavilə - Rəsmi
