23:10
Bu gün Rusiyanın Sank-Peterburq şəhərində təşkil olunan "Birlik kuboku"nun yarımfinal mərhələsinin oyunlarına start verilib. Qol.Az-ın məlumatına görə, Azərbaycan təmsilçisi Bakının "İnter" komandası bu mərhələdə Rusiyanın "Zenit" klubu ilə qarşılaşıb. Turnirdə keçirdiyi bütün qarşılaşmaları qələbə ilə başa vuran Sxadadzenin yetirmələri bu oyunda da rəqibini darmadağın edib. Oyunun taleyini ilk 15 dəqiqədə həll edən "İnter" ümumilikdə 5:0 hesabı ilə qələbə qazanıb. Bu qələbə sayəsində finala yüksələn komandamızın rəqibinə isə təxminən 3 saatdan sonra aydınlıq gələcək.
Əvvəlcə "İnter"in "Birlik kuboku"nda keçdiyi yola nəzər salaq. Yanvarın 15-də turnirin açılış matçında Qırğızıstan "Neftçi" klubu ilə qarşılaşan "bankirlər" rəqibini 3 cavabsız qolla məğlub edib. Daha sonra Tacikistanın "İstiqlal" klubu ilə qarşılaşan Sxadadzenin yetirmələri bu görüşdən də 3:0 hesablı qələbəylə ayrılıb. Qrupun son matçında isə Moldovanın "İskra-Stal" klubuna 1:0 hesabı ilə qalib gələn "İnter" qrup lideri kimi 1/4 finala vəsiqə qazanıb.
1/4 final mərhələsində bizim üçün mühüm əhəmiyyət kəsb edən oyunda Ermənistanın "Mika" klubu 4:0 hesabı ilə darmadağın edildi. "İnter"in yarımfialdakı rəqibi olan Rusiyanın "Zenit" klubu isə digərlərindən daha güclü olsa da, təmsilçimiz bu komandanı da məğlub edib. "İnter" artıq finaldakı rəqibini gözləyir.
Qeyd edək ki, final görüşü yanvarın 23-də Bakı vaxtı ilə saat 16:00-da başlayacaq.
21 yanvar
Yarımfinal
18.00. "İnter" (Azərbaycan) - "Zenit" (Rusiya) - 5:0
Qollar: Girts Karlsons, 2, 15, 52 (1:0 ; 3:0 ; 4:0), Peter Zlatinov, 7 (2:0), Rövşən Əmiraslanov, 67 (5:0)
"İnter"in start heyəti : Lomaya, Daşdəmirov, Abramidze, Levin, Kandelaki, Çertoqanov, Çervenka, Zlatinov, Kruqlov, Obikadze, Karlsons.
"Zenit"in start heyəti: Zayçev, Batov, Murixin, S.Petrov, A.Petrov, Sirotov, Suşkin, Teleqin, Çelinava, Matyaş, Kostin.
Müllerin yeni klubu bilindi
"Karvan" yeni transferini açıqladı
AFFA-nın Elit hakimlər siyahısında kimlər var? - Şəkillər
"Səbail" növbəti transferini rəsmən açıqladı
"Ayaks" "Zalsburq"dan onu transfer edir
"Turan Tovuz" Türkiyə klubu ilə bərabərə qaldı
"Bavariya" Diası nə vaxt təqdim edəcək?
"Sumqayıt"da yeni müqavilə - Rəsmi
