23:10
Rusiyanın "Zenit" klubunun baş məşqçisi Anatoli Davıdovun "İnter"lə oyunöncəsi müsahibəsi
-Yarımfinaldakı rəqibiniz "İnter" barədə hansı fikirdəsiniz?
-"İnter" yaxşı komandadır. Həm müdafiə, həm də hücumda çox yaxşı təsir bağışlayır. Yüksək səviyyəli komandadır. Onların bir oyununu izləmişəm. Məncə, onlara qarşı oynamaq heç də asan olmayacaq.
- "İnter"də hansı futbolçunu daha təhlükəli hesab edirsiniz?
- Futbolçuların oyununu ayrılıqda dəyərləndirmək istəmirəm. Çünki hər kəs bilir ki, futbol komanda oyunudur. Əgər komanda məğlub olursa, deməli, burada hər kəs günahkardır. Öz növbəsində qazanılan qələbə də futbolçular, məşqçilər korpusu və bütün klubun uğurudur. Amma yenə də sizin klubda 20 nömrəli hücumçu Girts Karlsonsu qeyd edə bilərəm. O, yüksək səviyyəli, perspektivli futbolçudur. Nə zaman, nə etməyi yaxşı bilir. Onu özümüz üçün təhlükəli futbolçu hesab edirik. Karlsonsdan başqa, komandanızın heyətində bir neçə futbolçunun da oyununu bəyənmişəm. Amma mən daha çox latviyalıdan çəkinirəm.
- "İnter"in oyun üslubunu bəyəndinizmi?
-"İnter"in oyununu ilk dəfə bu gün izlədim. Onu da sona qədər izləmək şansım olmadı. Oyun həqiqətən də çox xoşuma gəldi. Əsasən də ermənilərin qapısına vurulan ikinci qolu bəyəndim. Bayaq qeyd etdiyim Karlsons fərdi ustalığını nümayiş etdirərək, baxımlı qola imza atdı. Bax, bu artıq super qoldur. Çalışacağıq ki, Karlsons bizə qol vurmasın.
- Təmsilçimizə hələ qol vuran tapılmayıb. Bu sizin üçün nə dərəcədə önməlidir?
- "İnter"in qol buraxmaması onalrın gücündən xəbər verir. Deməli, müdafiə xətti və qolkiper yaxşı vəıziyyətdədir. Amma biz çalışıb onlara qol vuracağıq. Çox istərdim ki, bolqollu bir qarşılaşma olsun. Çünki azarkeşlər baxımlı və bolqollu oyunu sevirlər.
- "Zenit"in turnirdəki hədəfi nədir?
- Turnirə qoşularkən əsas komandamızı layiqincə əvəz etməyə çalışırdıq. Artıq gördüyünüz kimi, yarımfinala vəsiqə qazanmışıq. Yarımfinala gəlmişiksə, deməli, finalı hədəfləmək gərəkdir. Açığı biz qarşımıza kuboku qazanmaq məqsədi qoymamışıq. Təbii ki, çempion olsaq, bu bizim üçün əla nəticə olar.
Mənbə: Çempion qəzeti
Müllerin yeni klubu bilindi
"Karvan" yeni transferini açıqladı
AFFA-nın Elit hakimlər siyahısında kimlər var? - Şəkillər
"Səbail" növbəti transferini rəsmən açıqladı
"Ayaks" "Zalsburq"dan onu transfer edir
"Turan Tovuz" Türkiyə klubu ilə bərabərə qaldı
"Bavariya" Diası nə vaxt təqdim edəcək?
"Sumqayıt"da yeni müqavilə - Rəsmi
