19:29
“Səfər oyunlarında qol vurmaq önəm kəsb edir. Müdafiədə oturmaq niyyətimiz yoxdur. Kiprdə hücum futbolu oynamağı düşünürük”.
Bunu UEFA Gənclər Liqasının I mərhələsində Kiprdə APOEL-in qonağı olacaq “Qəbələ”nin baş məqçisi Famil Xəlilov deyib.
36 yaşlı mütəxəssis bildirib ki, oyuna yaxşı hazırlaşıblar: “Səfərdə qol vurmaq istəyirlər. İnanıram ki, komanda bunu bacaracaq və vətənə sərfəli nəticə ilə dönəcəyik. Komandamız oyuna çox yaxşı hazırlaşıb. Dünən burada günün ikinci yarısında məşqə çıxmışıq. Bu gün də bir məşqimiz olacaq. Belə matçlar üçün ən önəmli olan psixoloji hazırlıqdır ki, bu baxımdan problem yoxdur. Futbolçularımız harada olduqlarını və nəticənin nə qədər önəm kəsb etdiyini bilirlər. Oyuna taktiki-texniki cəhətdən də yaxşı hazırlaşmışıq. Rəqib müəyyən təcrübəyə malik komandadır. Onlar da mərhələni keçmək istəyirlər”.
“Qarabağ” bu ilin avqustunda UEFA Çempionlar Liqasının III təsnifat mərhələsində APOEL-in əsas komandası ilə oyun üçün Kiprə səfər edən zaman erməni təxribatı ilə üzləşib. Xəlilov Nikosiya təmsilçisinin bu cür halların baş verməməsi üçün tədbir gördüyünü söyləyib: “Artıq bir gündür buradayıq. Heç bir neqativ halla rastlaşmamışıq. APOEL rəhbərliyi bu işin üzərinə çox ciddi düşüb və komandaya nəzarətçilər ayırıblar. Məşqlərə rahat gedib-gəlirik, heç bir neqativ hal baş verməyib. Komanda ilə birgə şəhər gəzintisində də olmuşuq”.
Qeyd edək ki, oktyabrın 2-də Nikosiyadakı “Makarion” stadionunda keçiriləcək oyun Bakı vaxtı ilə saat 18:00-da başlayacaq (Report).
3 aydır qol vura bilməyən futbolçu azarkeşlə dalaşdı - Video
Bu stadion hərraca çıxarılır
Avropada uduzmayan yeganə komanda oldular
Paris klubu üçün antirekord
La Liqada yeni ofsayd sistemi tətbiq olunacaq
Sabirin het-triki, “Qaradağ Lökbatan”ın qələbəsi - Video
Çempionat matçı ləğv edildi
"Atletiko"nun futbolçuları zədələndi
Rumıniya millisinin yeni baş məşqçisi bəlli oldu
“Qaradağ Lökbatan” və “Araz Saatlı”dan böyükhesablı qələbə
Klub çempionluq şansını itirdi, baş məşqçi istefa verdi
Həm ötürmələri, həm qolları ilə rekorda imza atdı
Levandovski daha bir mövsüm "Barselona"da qala bilər
