“Mənim sizə verdiyim müsahibəni hərə bir cür başa düşüb. Ola bilsin ki, həmin müsahibədə fikirlərimi düzgün ifadə etməmişəm. Sadəcə olaraq, demək istəyirdim ki, əgər “İnter” öz oyununu oynasa “Neftçi”ni keçmək bizim üçün problem olmayacaq. Bu sözlərimlə “Neftçi”ni aşağılamaq niyyətim olmayıb. “Neftçi”nin güclü komanda olmasına heç bir şübhəm də yoxdur. Amma vəziyyəti dəyərləndirib belə fikir bildirmişəm”. Qol.Az-ın müxbirilə söhbətində bu sözləri “İnter”in yarımmüdafiəçisi Samir Abbasov deyib.
Xatırladaq ki, Abbasov bir neçə gün öncə saytımızda verdiyi müsahibədə “Neftçi”nin “İnter” üçün problemli rəqib olmadığını və bu komandanı məğlub edəcəklərini demişdi.
Abbasov sabah Unibank Premyer Liqanın XXIII turunda yenidən qarşılaşacaqları “Neftçi” ilə oyun haqqında da danışıb: “Sabahkı oyuna gəldikdə isə biz həmişəki qaydada öz məşqlərimizi davam etdiririk. Çətin oyun olacaq. Şəxsən mən oyunu səbirsizliklə gözləyəcəm. Çünki son məğlubiyyətə görə rəqib komanda haradasa hirslidir. Onlar da rəhbərlik qarşısında özlərini yaxşı tərəfdən göstərmək istəyəcəklər. Yenə də təkrar edirəm, bizim üçün çox çətin olacaq. Çıxıb meydanda bütün gücümüzlə oynayıb, qələbə qazanmağa çalışacağıq”. Müxbirimizin “Neftçi”nin futbolçuları “İnter”ə 0:3 hesablı məğlubiyyəti təsadüf sayır. Bu haqda sən nə düşünürsən” sualına Samir belə cavab verib: “Mən bunu təsadüf saymıram. Əgər “Neftçi”nin oyunçuları bunu təsadüf sayırlarsa, bəlkə də haqlıdırlar. Çünki öz komandalarının potensialına bələddirlər. Mən də öz komandamın gücünə inanıram. Düzdür, ilk hissədə “Neftçi” çox yaxşı oynadı. Meydanın pis vəziyyətdə olması da bizim uşaqların zəif oynamasına gətirib çıxardı. İkinci hissə isə toparlandıq və daha yaxşı oyunu biz nümayiş etdirdik. Hər halda “İnter” autsayder deyil ki, “Neftçi”ni udanda buna təsadüfdür desinlər. “Neftçi”nin oyunçularından başqa heç kəs bunu təsadüf saymır. Hər halda hər şeyə sabah meydanda aydınlıq gələcək”.
İsveçdə son oyun
Azərbaycanlı futbolçu dünyasını dəyişib
Ter Ştegen 4 ay yaşıl meydanlardan uzaq qala bilər
"Mançester Siti" 18 yaşlı oyunçunu transfer etdi
"İmişli"dən yeni transfer
Elmar Baxşıyev "Trabzonspor" üzərində qələbəni şərh etdi
"Neftçi" Polşadakı ilk oyununda heç-heçə etdi
"Çelye" - "Sabah": Heyətlər
"Karvan" yeni transferini reallaşdırdı
"Araz-Naxçıvan" "Trabzonspor"a qalib gəldi
"Qarabağ" yeni transferini rəsmən açıqladı - Şəkillər
"Mançester Yunayted" onun üçün 70 milyon təklif etdi
"Napoli" yeni transferini açıqladı