"Azərbaycan millisi Foqtsun vaxtında futbol oynamırdı"

"Azərbaycan millisi Foqtsun vaxtında futbol oynamırdı"
XƏBƏR 15 Noyabr 2016 / 02:00 6383
-  A +

"Azərbaycan milli komandasına mənim vaxtında oyun baxımından böyük dəyişiklik oldu. Yığmanın əvvəlki oyunlarını izləmişəm. Onda komanda ancaq müdafiə olunurdu. İndisə belə deyil”.

Qol.az-ın məlumatına görə, bu sözləri millimizin baş məşqçisi Robert Prosineçki "Xəzər TV”də yaymlanan "Futbol saatı” proqramında deyib.
 
Xorvatiyalı mütəxəssis özündən öncə bu vəzifədə çalışmış Berti Foqtsun vaxtındakı yığmanın çıxışına toxunub.  Bildirib ki, milli həmin vaxt futbol oynamırdı:

"İndisə azarkeşlərin sevdiyi baxımlı oyunu göstəririk. Bu, mənim futbol fəlsəfəmdir. Nə qədər ki, burdayam, komanda futbol oynayacaq. Şimali İrlandiyaya qarşı texnikalı oyun göstərmək istədik. Buna görə də belə oyunçulara heyətdə yer verdim. Mən 0:4 hesablı məğlubiyyətdən sonra azarkeşləri, verilən cürbəcür sualları başa düşürəm və tənqidlərə də hazıram. Uğurlu startımızdan, 3 oyunda 7 xal qazanandan sonra azarkeşlərin nəticə ilə bağlı iştahası artdı. Mən optimistəm. Qrupda 2-ci yeri tutub final mərhələsinə düşə bilərik. Buna inanıram. İnanmasaydım, burada baş məşqçi olmazdım. 6 oyunumuz qalıb, bunun 4-ü evdə olacaq. Almaniyanı çıxsaq, Şimali İrlandiya, Çexiya, San Marino ilə ev matçlarında uğurlu nəticə qazansaq, final mərhələsinə vəsiqə qazana bilərik”.

 

Daha çox


Son xəbərlər
22.04.26  18:32

PSJ-yə keçə bilər

topaz banner