"Beqoviç "Qarabağ"da çox yaxşı oynayır" - Prosineçki

"Beqoviç "Qarabağ"da çox yaxşı oynayır" - Prosineçki
XƏBƏR 14 Noyabr 2019 / 15:43 4525
-  A +

Bosniya və Herseqovina miillisinin baş məşqçisi Robert Prosineçki "Qarabağ"ın qapıçısı Asmir Beqoviçin atası Amir Beqoviçin onunla bağlı yazdığı ittihamlara münasibət bildirib.

Qol.az xəbər verir ki, o, "Federalnu TV"yə müsahibəsində 32 yaşlı qolkiperi yığmaya çağırmamasının səbəbini növbəti dəfə belə izah edib: "İttihamlarla bağlı mən də eşitmişəm. Beqoviç uzun müddət oynamadı. Çıxış yolu tapdı və "Qarabağ"a getdi. Orada da çox yaxşı oynayır. Biz bundan məmnunuq. Hər kəsin öz fikirləri var, o cümlədən Amir Beqoviçin də ittiham etmək hüququ var. Mən buna çox əhəmiyyət vermirəm. Bilirik ki, milli komanda üçün əlimizdən gələni edirik".

Xatırladaq ki, Amir Beqoviç sosial şəbəkə hesabında yazdığı şərhdə oğlunun yığmadan kənarda qalmasına baş məşqçi Robert Prosineçki yox, Bosniya və Heresqovina Futbol İttifaqının prezidenti Elvedin Begiçin qərar verdiyini qeyd edib. Amir 50 yaşlı mütəxəssisi təlxək adlandırıb.

Daha çox


Son xəbərlər
28.03.24  10:55

Qrizmann qayıtdı