“Bu nəticə nə bizi, nə də rəhbərliyi qane edir. Fasilədə yaxşı hazırlaşmışdıq. Bizim üçün 3 xallıq oyun idi. Meydana qələbə üçün çıxmışdıq. Ani bir epizodda gözlənilmədən top buraxdıq”.
Qol.az-ın məlumatına görə, bu sözləri “Qəbələ”nin yarımmüdafiəçisi Təmkin Xəlilzadə Topaz Premyer Liqanın 4-cü turunda səfərdə “Sabah”a 0:1 hesabı ilə uduzduqları oyundan sonra jurnalistlərə açıqlamasında deyib. O, əvvəlcə qarşılaşma ilə bağlı fikirlərini açıqlayıb:
“Rəqib haqda çox danışmaq istəmirəm. 90 dəqiqə ərzində 1 dəfə qapımıza tərəf gəldilər, o da qol oldu. İkinci hissədə bacardığımızı etdik, sadəcə, qol çatmadı”.
Xəlilzadə komandasının son 3 turda qələbə qazana bilməməsinin səbəbini də açıqlayıb: “Çempionat çox gərgin keçir. Bütün komandalar oyunlara ciddi hazırlaşır. Meydanda gərgin mübarizə gedir. Biz də digər komandalar kimi oyundan-oyuna artırırıq. Düzdür, bu nəticə bizi, rəhbərliyi, azarkeşləri qane etmir. Amma toparlanmaq lazımdır. Növbəti oyuna kimi vaxtımız var. Sabahdan hazırlığa başlayacağıq. Səbr etmək lazımdır. Yəqin ki, düzələr”.
Yarımmüdafiəçi ələ düşən şansları dəyərləndirə bilmədikləri üçün məyus olduqlarını bildirib: “Biz komandayıq. Epizodu biri nəfər dəyərləndirə bilmirsə, deməli, bu, ümumi kollektivin səhvidir. Hər şeyi sırf bir nəfərin üstünə atmaq olmaz. Mən də istərdim ki, hər hücumumuz qolla nəticələnsin. Qol olmayanda, istər-istəməz içindəki hirsi çıxarırsan. Çox məyusuq, çünki əldən verdiyimiz şanslar yüzfaizlik epizodlar idi. Hamısı qolla nəticələnməliydi”.
Epizodların birində rəqibin müdaxiləsindən sonra yerdə qalan Təmkin hakimliklə haqda danışmaq istəməyib: “Rəqib topa da toxundu, ayağıma da. Hakim penalti təyin etmədisə, deməli, haqlıdır. Ümumiyyətlə, idarəçilik haqda danışmaq istəmirəm”.
“Qəbələ” 5-ci turda “Qarabağ”la qarşılaşacaq. T.Xəlilzadə həmin oyuna ciddi hazırlaşıb, yaxşı nəticə qazanmağa çalışacaqlarını söyləyib.
PSJ hücumçusunu satdı
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı