AFFA Rövşən Əhmədovu cəzalandırmayıb

AFFA Rövşən Əhmədovu cəzalandırmayıb
PREMYER LİQA 14 Aprel 2009 / 12:51 2625
-  A +

“Rövşən Əhmədovun cəzalandırılması haqda yayılan məlumatlar doğru deyil. Biz Əhmədovu cəzalandırmamışıq”. Qol.Az-ın müxbiriylə söhbətində bu sözləri AFFA Hakimlər Komitəsinin sədri Xaqani Məmmədov deyib. X.Məmmədov bildirib ki, Rövşən Əhmədov cəzalanmayıb və sadəcə olaraq 1 tur istirahət edəcək: “Mən deməmişəm ki, Rövşən Əhmədov cəzalandırılıb. Mən sadəcə olaraq, bildirmişəm ki, Rövşən Əhmədov qarşıdakı turda təyinat almayacaq. O növbəti turda istirahət edəcək. Bu da normal bir haldır. Çünki elə bir qanun yoxdur ki, hansısa hakim hər tur təyinat almalıdır. Buna görə də bu tur oyun idarə edən referinin növbəti həftə təyinat almaması normal bir haldır”.
Hakimlər Komitəsinin sədri onu da bildirib ki, Rövşən Əhmədov son turda idarə etdiyi “Qəbələ” - “Olimpik” matçında ciddi səhvlərə yol verməyib: “Əhmədov “Olimpik” - “Qəbələ” matçını normal idarə edib. Nəticəyə təsir edən hansısa səhvə yol verməyib. Düzdür, onun səhvləri olub. Amma bu, xırda, metodiki səhvlərdir. Referinin 7,5 bal alması da məhz bununla bağlıdır”.

 

Daha çox


Son xəbərlər
14.10.19  20:47

PSJ-də Neymar şoku

14.10.19  14:01

Fiasko...

13.10.19  21:28

Almeyda zədələndi