“Qarabağ”ın rəqibi: “Ayntraxt” “Borussiya” deyil!

“Qarabağ”ın rəqibi: “Ayntraxt” “Borussiya” deyil!
XƏBƏR 9 Avqust 2013 / 16:49 6726
-  A +

"Qarabağ"ın UEFA Avropa Liqasının "pley-off" mərhələsindəki  rəqibi olan Almaniyanın Frankfutr şəhərinin "Ayntraxt" klubu 1899-cu ildə yaradılıb.

Qol.Az-ın məlumatına görə, klub ev oyunlarını 51.500 insan tutumuna malik olan "Kommerzbank Arena" stadionunda keçirir. “Ayntraxt” Almaniya futbolunun adlı-sanlı komandalarından olsa da, “Qarabağ”ın 2010-cu ildə qarşılaşdığı Dortmund “Borussiya”sı ilə bərabər səviyyədə deyil.

Frankfurd təmsilçisi Almaniya futbolunda ən böyük uğurunu 1959-cu ildə ölkə çempionu olmaqla əldə edib. Yeri gəlmişkən, o vaxtdan “Ayntraxt” bir dəfə də olsun bundesliqanın qalibi ola bilməyib.

1991-1992 mövsümünün son turunda"Ştutqart"a məğlub olaraq çempionluğu əldə verən "Ayntraxt" növbəti illərdə əvvəlki gücünü itirməyə başlayıb. Klub 1995-1996, 2000-2001, 2003-2004 və 2010-2011 mövsümündə ikinci liqada oynamalı olub.

"Qarabağ"ın rəqibi ötən mövsümü bundesliqanı altıncı yerdə başa vurub.
 
Almaniya kuboklarında isə komanda liqaya nisbətən daha çox uğurlar əldə edib. "Ayntraxt" 1974, 1975, 1981 və 1988-ci ildə ölkə kubokunun sahibi olub.

Formasının rəngi "qırmızı-qara-ağ" olan klub  Avropada ən böyük nailiyyəti 1980-ci ildə UEFA kubokunu əldə etməklə qazanıb. Komanda son olaraq avrokuboklarda yeddi il əvvəl yarışıb. Onlar qrup mərhələsində uğursuz çıxış edərək mübarizəni dayandırmışdılar.

Qeyd edək ki. "Ayntraxt"ın baş məşqçisi Armin Vehdi, prezidenti isə Xeribert Bruxxagendir.

 

Daha çox


Son xəbərlər
28.03.24  10:55

Qrizmann qayıtdı