Unibank Premyer Liqasının son turunun yubileyləri

Unibank Premyer Liqasının son turunda keçirilən bəzi oyunlarda əlamətdar olaylar yaşanıb. Qol.Az-ın məlumatına görə, rekordların qırıldığı və ya təkrarlandığı 6-cı tur “Neftçi”nin milli çempionatlarda 900-cü qolunu vurması ilə də əlamətdar olub. Həmin məqamlarla sizi də tanış edirik:
* Bahodır Nasimovun MOİK-lə qarşılaşmada vurdğu  ikinci qol “Neftçi”nin Premyer Liqada 900-cü qolu oldu. Xatırladaq ki, “Neftçi” ilk qolunu 08.05.92-ci ildə Bakıda “Xəzər”in  (Sumqayıt) qapısından keçirimişdir. Qolun müəllifi Yunis Hüseynov olub.
* “Muğan”la qarşılaşmada “Xəzər Lənkəran”ın 2 futbolçusu yubiley oyunlarına çıxıblar: Elnur Allahverdiyev 150, Dieqo Souza 50. Xatırladaq ki, Elnur Allahverdiyev ilk oyununu 2003/04 mövsümündə (18 may 2003) ”Şəfa”nın heyətində Bakıda ”Kəpəz”ə qarşı keçirib. Souza isə 2007/08 mövsümündə 17 fevralda Lənkəranda “Karvan”a qarşı görüşdə cənubluların heyətində debüt edib.
Çempionatın “100 ən çox oyun keçirən” futbolçularından 9-u bu tur meydana çıxıb. Onların heç biri cədvəldə irəliləyə bilməyib:
1. (1.) Mahmud Qurbanov (Bakı)  - 391 oyun
6. (6.) Azər Məmmədov (Gəncə) - 323
38. (38.) Zaur Həşimov (Qarabağ) - 238
41. (41.) Elmar Baxşıyev (Neftçi) - 236
48. (48.) Fərrux İsmayılov (Muğan) - 231
59. (59.) Alim Qurbanov (Xəzər Lənkəran) - 222
74. (74.) Rəşad Abdullayev (Neftçi) - 205
75. (75.) Ceyhun Sultanov (Gəncə) - 205
98. (98.) Elşən Poladov (AZAL) - 184
“100 ən çox qol vuran” futbolçulardan isə təkcə Fərid Quliyev (Neftçi) fərqlənib. Top sayını 27-ə çatdıran hücumçu 75-ci pillədən 71-ə yüksəlib.
Əvəz edilmədən meydana ardıcıl oyunlar seriyasına yenə də Pavels Dorosevs başçılıq edir. Onun aktivində 21 belə oyun var. Cədvəldə yeganə dəyişiklik Kamal Bayramovun adının bu siyahıya əlavə olunmasıdır.
1. Pavels Dorosevs – Qəbələ - 21
2. Abdulkared Kamara – Qəbələ - 19
3. Radomir Todorov – Xəzər-Lənkəran - 15
4. Usim Nduka – AZAL - 5
5. Elvin Əliyev –  AZAL - 14
6. Elnur Allahverdiyev – Muğan - 12
7. Kamal Bayramov – TURAN - 10
Bütün çempionatların iştiakçısı siyahısında futbolçuların sayı 4-ə yüksəldi. Oyun sayına görə ölkə rekordçusu olan Mahmud Qurbanov bu siyahıya başçılıq edir:
1. Mahmud Qurbanov   (Bakı) - 391
2. Aslan Kərimov (Qarabağ) - 377
3. Kənan Kərimov (Gəncə) - 327
4. Azər Məmmədov (Gəncə) - 323
“Qəbələ” -”İnter” qarşılaşmasında bakılıların yeganə qolu ev sahiblərinin Premyer Liqada 50-ci məğlubiyyətinə səbəb oldu. Xatırladaq ki, “Qəbələ” ilk məğlubiyyətini 11.08.06 tarixində “MKT-Araz”la qarşılaşmada almışdı – 1:4.
Bu görüşdə Danildo Assioli 50-ci yubiley  oyununu keçirdi. O, Premyer Liqada ilk oyununa 16.03.08 tarixində “Standart”la görüşdə çıxmışdı. “Gəncə” - ”Turan”la 1:1 hesablı heç-heçə oynamaqla ardıcıl olaraq bu nəticəni 5 dəfə təkrarladı. Xatırladaq ki, ən çox ardıcıl təkrarlanan hesab 1:0 olub. 2006/07 mövsümündə “MKT-Araz”ın iştirakı ilə keçən oyunlarda bu nəticə 6 dəfə ardıcıl təkrarlanıb.

Rasim Əliyev