21:20
"Məsələ aydın idi. Sadəcə, özüm açıqlamaq istəmədim. Görüşümüz dünən olub. Gözlədim ki, ilk olaraq klub məlumat versin, birinci futbolçunun yazmağı düzgün çıxmır. Qarşılıqlı razılaşma əsasında vidalaşdıq. Heç kimin narahatlığı olmadı. Belə məsləhət idi, bu cür də alındı".
Bu fikirləri "Zirə" klubu ilə yollarını ayıran Cavid Hüseynov deyib.
32 yaşlı yarımmüdafiəçi bildirib ki, baş məşqçi Zaur Həşimovun komandadan gedişi onunla yolların ayrılmasına səbəb olmayıb. Hüseynov artıq özünə yeni komanda axtaracağını sözlərinə əlavə edib: "İndiyə kimi klubla anlaşmam var idi. Bu komandaya keçəndə mənimlə iki illik müqavilə imzalamaq istədilər. Mən isə heç vaxt iki illik sözləşmə bağlamıram. Klubun fəxri prezidenti Orxan Məmmədova təşəkkür edirəm. O, ilk dəfə gələndə mənə jest etdi. Klub əvvəl elə də çox ödənişli oyunçu götürməyib. Orxan müəllim mənim pulumu öz cibindən vermişdi. Ona görə də aramızda inciklikdən söhbət gedə bilməz. Mən hamını və pandemiyadan sonra klubun vəziyyətini başa düşünürəm. Yəqin ki, bundan sonra klublardan təklif gələr".
Hüseynov sabiq klubu "Qəbələ"yə qayıtma ehtimalı barədə bunları söyləyib: "Hələ ki, mənə zəng edən yoxdur, xəbər yeni çıxıb. Hər bir klubun öz stategiyası varsa, mən nə deyə bilərəm? Futbolda bəzi detallar var, kor-koranə kimi gəldi almaq da düzgün deyil".
Azərbaycan millisinin üzvü "Qəbələ"yə qayıtmaq istəyərsinizmi" sualına belə cavab verib: "Əlbəttə istəyərəm. "Qəbələ"də çox acılı və sevincli günlər yaşamışıq, yaxşı xatirələrim var. "Zirə"yə gələndə də ürəyim həmişə "Qəbələ" ilə döyünüb. Mütəmadi əlaqə saxlamışıq. Bir-birimizlə münasibətlərimiz yaxşıdır".
Qeyd edək ki, Cavid Hüseynov 2016 - 2019-cu illərdə "Qəbələ"nin formasını geyinib. Yarımmüdafiəçi Mövsümün əvvəlində "Zirə"yə keçmişdi. (Report)
Salah: "Qələbəyə acam"
"Yeni oyunçular bizə bir neçə titul qazandıracaq"
"Çelsi" onu icarə verməyə yaxındır
"Napoli" Lukakunun yerinə onu nəzərdən keçirir
"Vilyareal" "Çelsi"yə 30 milyona yaxın məbləğ ödəyəcək
"Milan" "Bayer"in oyunçusunu almağa yaxındır
"Qarabağ" onlara ot yoldurdu, həm də öz stadionlarının otunu
"Qalatasaray" "Mançester Siti" ilə anlaşdı
"Real"dan La Liqa tarixinin rekordu
Prezident və xanımı Gəncə stadionunda - Yenilənib+Şəkilıər
"Yuventus"a qayıdır
Azərbaycan 2-ci ıiqasında yeni mövsümün püşkü atıldı
"Real"ın sabiq üzvü "Napoli"yə keçdi
UEFA-dakı parlaq "Qarabağ" statistikası
"Roma"dan yeni transfer
"Fənərbaxça" hücum xəttini gücləndirdi
