22:00
Tanınmış futbol azarkeşi İlqar Həmzəyev AFFA-nın İcraiyyə Komitəsinin sabahkı iclasında millinin baş məşqçisi vəzifəsinə namizədlərinə müzakirəsi öncəsi fikirlərini bildirib.
O, Qol.az-a açıqlamasında milli komandaya hazırkı namizədlərin bu vəzifəyə uyğun olmadığını deyib:
"Hazırda milli komandanın baş məşqçi vəzifəsi üçün 3 məşqçinin - Arif Əsədov, Canni De Byazi və Roy Kinin adı hallanır. Mən milli komandaya Rəşad Sadıqovun gətirilməsini istəyirəm. Ona görə ki, yığmanın tərkibindəki futbolçuların çoxu "Qarabağ"da çıxış edir. Rəşad da çempionatımızdan çıxmış futbolçudur. Digər komandaların da oyunçularını tanıyır. Yəni, xaricdən gələn məşqçi bu futbolçuları Rəşad qədər tanıya bilməyəcək.Buna görə bir də bu pandemiya dövründə azarkeşləri qıcıqlandırmaq lazım deyil. Onsuz da vəziyyət maddi tərəfdən ağırdır".
İ.Həmzəyev deyib ki, belə bir vaxtda AFFA 650 min avro verib, xaricdən məşqçini bura gətirməklə pulu göyə sovurmuş olacaq: "Bu, mənə görə israfçılıqdır. Hazırda ölkəmiz elə vəziyyətdədir ki, hər bir dolların da, manatın da dəyərini bilməliyik. Bütün sahələrdə hamı qənaət edir. İndiki dövrdə əcnəbi məşqçi ilə bağlı açıqlama vermək düzgün deyil. Bu, sadəcə olaraq azarkeşləri qıcıqlandırır".
O, Arif Əsədovun milliyə baş məşqçi təyin olunması variantinin tərəfdarı olmamağının səbəbi haqda da danışıb: "Çünki o, bir az qorxaq futbol oynayır. Arif Əsədov həmişə ikinci məşqçi kimi özünü doğrulda bilər. O, deyə bilər ki, mən "Neftçi"də uğurlar qazanmışam. "Neftçi"də uğurunda təkcə Arif Əsədovun yox, Tahir Süleymanov, Sadıq müəllim, əcnəbi futbolçular, sistemin də böyük rolu olub. Buna görə də Arif Əsədov qətiyyən olmaz. Yəni, onu milliyə baş məşqçi təyin etmək səhv addım ola bilər. Rəşad Sadıqovu bu vəzifədə görürəm. O da Qurban Qurbanovla əməkdaşlıq edə bilər. Bu halda baza kimi isə "Qarabağ" olacaq. Məncə, 1-2 il şans verək, gənc məşqçidir. Rəşad Sadıqovun uğursuzluğu da olsa, heç kim onu qınamayacaq".
"Liverpul"la razılaşdı
"Real"dan Alaba qərarı
"Neftçi" yeni ev formalarını təqdim etdi - Şəkillər
"Mingəçevir" yeni transferini açıqladı
"Rəqibi ciddi şəkildə təhlil etmişik" - Valdas Dambrauskas
VAR qaydalarında dəyişiklik ola bilər
"Sumqayıt"dan yeni transfer - Rəsmi
"Zirə" Türkiyə klubuna qalib gəldi
İspaniya nəhəngi onun transferini açıqladı
"İnter Mayami" "Atletiko" ilə razılaşdı
Sabiq baş məşqçi "Karvan"ın vitse-prezidenti oldu
“Qəbələ” üçün əlimdən gələni edəcəyəm"
"Latsio" azarkeşlərindən kütləvi etiraz aksiyası
10 illik dövr başa çatdı - "Real"dan getdi
"Qarabağ" qrup mərhələsində son matçına çıxdı
