16:00
"Biz bununla bağlı heç nə edə bilmərik. Koronavirus bütün dünyada yayılır. Çempionlar Liqası və Avropa Liqası kimi turnirlərin oyunları azarkeşsiz keçirilir, bəziləri təxirə salınırsa, nə edə bilərik?".
Qol.az xəbər verir ki,bu fikirləri "Report"a açıqlamasında futbol üzrə Azərbaycan millisinin məşqçisi Arif Əsədov yığmanın Maltadakı toplanışının və yoldaşlıq görüşlərinin ləğv olunmasına münasibət bildirərkən deyib.
50 yaşlı mütəxəssis bildirib ki, 2018/2019 mövsümünə nisbətən bu dəfə komandanın Millətlər Liqasına hazırlaşmaq üçün daha çox vaxtı olub: "Sentyabra kimi zamanımız var. O vaxtadək yığmanın bir neçə yoldaşlıq görüşü planlaşdırılıb. Bu da komandanı formalaşdırmaq baxımından yaxşı idi. Yaxşı olardı ki, bu matçlar baş tutardı və yeni baş məşqçi də futbolçuları daha yaxından tanıyardı. Amma bu, bizdən asılı məsələ deyil. Amma yenə də hazırlaşmaq üçün vaxt var".
Əsədov hazırlıq prosesinin ləğv olunmasının baş məşqçi təyinatına təsiri barədə danışmaq istəməyib: "Bunu dəqiq bilmirəm. Mənə aid olan məsələ deyil. Nə baş verəcəksə, onu deyə bilmərəm. Bizim mayda Türkiyədə təlim-məşq toplanışımız var. Yoldaşlıq görüşü də olacaq. Növbəti plan yəqin ki, Türkiyə toplanışına hazırlaşmaqdır. Amma yay aylarındakı boşluqlara baş məşqçi gələndən sonra qərar verilə bilər. İndidən nəsə demək olmur. Hazırkı plan Malta və Lixtenşteynlə yoldaşlıq oyunları idi. Türkiyədəki toplanışın ləğv olunmasını isə gedişat göstərə bilər. Nələr olacağını bilmirik. Dünya tez bir zamanda bu virusdan xilas olsa, hər şey qaydasına düşər".
Təcrübəli baş məşqçi koronavirusdan qorunmaq üçün hansı tədbirlər gördüyünü də açıqlayıb: "Maşınımda daim spirt və pambıq olur. Bunlardan istifadə edirik. Hardasa olanda daim əlimizi spirtləyirik. İşdən evə gələndə də eyni proseduru yerinə yetiririk. Çalışırıq ki, deyilən bütün qaydalara əməl edək".
Qeyd edək ki, Azərbaycan millisinin Malta toplanışı və yoldaşlıq görüşləri ləğv edilib.
"Jirona"dan "Araz-Naxçıvan"ın rəqibinə keçdi
"Qarabağ" Dublindədir - Şəkillər
Sabiq "Qalatasaray"lı Türkiyəyə qayıtdı - Rəsmi
"Qəbələ"nin legioneri "Şamaxı"da baxışdadır
"Kəpəz" "Qəbələ" ilə qarşılaşdı
"Şamaxı" "Karvan"a qalib gəldi
Yeni transfer Liverpuldadır
Asim Xudiyevə UEFA-dan növbəti təyinat
"Neftçi" məşqçisi ilə yollarını ayırdı
"Atletiko"dan "İnter Mayami"yə
"Bavariya" "Liverpul"un oyunçusu ilə razılığa gəldi
Azərbaycan klublarının Konfrans Liqasında potensial rəqibləri müəyyənləşdi - Yenilənib
"Qarabağ"ın cavab oyununun hakimləri bilindi
"Roma" yeni transferini açıqladı
Çempionlar Liqası: 3-cü təsnifat mərhələsinin püşkü
Jurnalistlərlə futbol veteranlarının oyunu keçirildi
"Səbail" yay hazırlıq planını açıqladı
Tanınmış klub superkubok yarışından imtina etdi
"Roma" onun üçün 30 milyon ödəməyə hazırdır
"Onlara dedim ki, biz cəhənnəmə gedirik?" - Mahir Emreli
"Qarabağ"ın Dublin proqramı
"Hayduk"la oyunqabağı "Zirə" və Rəşad Sadıqovdan danışdı
"Napoli" müdafiəçi aldı
"Qarabağ" azarkeşlərinə müraciət edib
Messi 5-ci dəfə MLS-in ən yaxşısı seçildi
Yalnız "Arsenal"ı istəyir
