11:45
Peşəkar Futbol Liqası məhdud imkanlara baxmayaraq, ötən il olduğu kimi, bu il də klublarımızın Antalyadakı yoxlama oyunlarını canlı yayımlayır. Futbolsevərlər hər oyun günü bir qarşılaşmanı PFL-in “YouTube” kanalında izləyə bilir.
Qol.az saytının müxbiri bununa bağlı qurumun mətbuat xidmətinin rəhbəri Aslan Şahgəldiyevlə danışıb. O, izləyicilərin bu yayıma böyük maraq göstərdiyini bildirib:
“Əsas məsələ budur ki, oyun göstərilsin, insanlar buna baxsın. İzləyicilər də çox razıdırlar. Xüsusilə "Neftçi"nin oyununda izləmə sayı 10 mini keçmişdi. Təkcə Azərbaycanda yox, rəqib komandanın azarkeşləri də izləyirdi. Təbii ki, televiziyanın yayımı daha yaxşı olar. Məsələn, Almaniyada oluruq, bəzi sorğularda iştirak edirik. Onlarda da var, liqa özü internet üzərindən yayımlayır. Orada liqalar bölünüb - Bundesliqa və s. Hər birinin də öz işçi qrupu var. Onlar da öz “YouTube” kanalından bu oyunları təqdim edirlər. Yüksək liqalar yox, aşağı liqalar bunu edir. Bizdə də qarşılaşmalar çoxdur. Bu gün (yanvarın 18-i-red.) 4 komandamız oynayır - "Qəbələ", "Səbail", "Sumqayıt" və "Qarabağ". Hamısını eyni anda göstərmək mümkün deyil. Sadəcə olaraq imkanımız buna çatır.
Azarkeşlərin yazdığı şərhlərdən görürük ki, əksəriyyəti təşəkkür edir, narazı olan yoxdur. Hətta, elə televiziyalar var ki, icmalları hazırlamaq üçün bizim kanaldan götürüb, hazırlayıb, xəbərlər proqramı üçün material olaraq təqdim edə bilirlər. Yəni, informasiya qıtlığı yaşanmır. Hazırda bizim media nümayəndələrimizin və ya televiziya orqanlarımızın çoxusunun Antalyaya gəlməyə o maddi imkanı yoxdur. Canlı yayım göstəririk. Bu, onlar üçün də bir dəstəkdir”.
Aslan Şahgəldiyev imkanlarının məhdud olduğundan çəkiliş zamanı bir videokameradan istifadə etdiklərini deyib: “İmkanımız buna çatır. Amma həqiqətən də yayımın keyfiyyəti çox yüksəkdir. 80 HD-nin ən yüksək keyfiyyətidir. Özünüz də yəqin ki, izləyirsiniz. PTS ilə istədiyimiz keyfiyyəti əldə edə bilmirik deyə 3-4 kamera ilə yayımlamaq istəmirik. Oyunları göstəririksə, gərək bunu yüksək keyfiyyətlə edək. Gələcəkdə düşündüyümüz planları həyata keçirə bilsək, mini montaj studiyası qurmağı fikirləşirik”.
Görüşlərin əksəriyyətinin şərhsiz yayımlanmasına da toxunan PFL rəsmisi gələcəkdə bu məsələni çözəcəklərini qeyd edib: “Ötən il ümumiyyətlə, şərhçi məsələləri alınmırdı. Bu işi gördükcə, yavaş-yavaş ideyalar gəlir. Məsələn, keçən il oyunu çəkdik, problemlər çıxırdı. Sonra yoluna qoyub, yüksək keyfiyyətlə təqdim edə bildik. "Neftçi"nin qarşılaşmasında şərhi sınadıq. Çox yaxşı alındı, problem olmadı. Gələcəkdə istəyirik ki, yayım zamanı şərh də olsun. Yenə deyirəm, bir neçə kameradan istifadə edərək çəkiliş aparsaq, həmin oyunlarda şərhdən, hətta, təkrarlardan belə istifadə etməyi düşünürük. Bu, maliyyə ilə bağlı olan məsələdir”.
"Mançester Yunayted"in yeni hədəfi bilindi
"Qəbələ" yoxlama oyununda qalib gəldi
"Liverpul" danışıqları sürətləndirdi
"Milan" Bonifeyslə razılıq əldə etdi
"Bayer"in əsas hədəfinə çevrildi
"İmişli"dən daha bir transfer - Rəsmi
"Tottenhem" "Mançester Siti"dən əl çəkmir
"Zirə"nin futbolçusu 4 oyunluq cəzalandırıldı
"Milan" futbolçusunu satdı
Qurban Qurbanovu yaxşı tanımayan Robbi Kin
"Səhvlərimizdən nəticə çıxarmalıyıq" - Kristian Avram
AFFA "Qəbələ"ni cərimələdi
Yenidən qurulan Gəncə stadionundan son görüntülər - Video
"Kayrat", Dastan və bizimkilər
Misli Premyer Liqasında 2-ci turun hakimləri açıqlandı
Salah: "Qələbəyə acam"
Azərbaycan millisinin Monteneqroda ikinci sınağı
"Çelsi" meydana bu formalarla çıxacaq - Şəkillər
Azərbaycanın 4 klubunda oynamış futbolçu Omana getdi
“Araz-Naxçıvan”ın ÇL üçün iştirak ərizəsi
Azarkeşlər Neymarı hədələdilər
Azərbaycan UEFA-da bu mövsümkü nəticələrə görə neçəncidir?
"Fənərbaxça" "Benfika" ilə heç-heçə etdi - Çempionlar Liqası
Azərbaycan güləşçisi dünya üçüncüsü oldu
"Yeni oyunçular bizə bir neçə titul qazandıracaq"
"Çelsi" onu icarə verməyə yaxındır
"Napoli" Lukakunun yerinə onu nəzərdən keçirir
