Tayson irqçilik haqda - "Braziliyaya qayıtmaq istəyirdim"

Tayson irqçilik haqda - <b style="color:red"> "Braziliyaya qayıtmaq istəyirdim"</b>
DÜNYA FUTBOLU 12 Noyabr 2019 / 13:28 2296
-  A +

Ukrayna Premyer Liqasının son turunda Kiyev  “Dinamo”su ilə oyunda irqçiliyə məruz qalan “Şaxtyor”un futbolçusu Tayson bununla bağlı fikirlərini bölüşüb.

Qol.az Ukrayna mətbuatına istinadən xəbər verir ki, braziliyalı yarımmüdafiəçi irqçi şüarlara görə bir anlıq ağılından vətəninə qayıtmaq keçdiyini deyib:

“Əvvəlcə düşündüm ki, əşyalarımı götürüb Braziliyaya qayıtmalıyam. Ancaq bu qərarı vermək çətindir. Çünki  “Şaxtyor” məni 30 milyon avroya “Milan”a satmaqdan imtina edib. Təsəvvür edin, məni indi buraxarlar? Başqa yolum yoxdur. Dekabrın 15-də Braziliyaya gedəcəyəm, ancaq tətilə”.

Xatırladaq ki, “Dinamo” ilə oyun zamanı kiyevli azarkeşlər Taysonu irqçi şüarlarla təhqir edib. O isə  görüşün 74-cü dəqiqəsində qaydanı pozduğu vaxt fanatlara orta barmağını göstərib. Hakim buna görə Taysona qırmızı vətəqə göstərib. O, meydanı göz yaşları içində tərk edib.
 

Daha çox


Son xəbərlər
11.12.19  19:28

Poçettino "Arsenal"da?