"Arsenal" və "Çelsi" biletlərin bir qismini qaytarır

"Arsenal" və "Çelsi" biletlərin bir qismini qaytarır
DÜNYA FUTBOLU 23 May 2019 / 09:51 5377
-  A +

Bakıda keçiriləcək Avropa Liqasının final oyununun iştirakçıları “Arsenal”la “Çelsi” onlara ayrılmış biletlərin bir qismindən imtina etmək istəyirlər.

Qol.az-ın “The Times” nəşrinə istinadən yaydığı xəbərə görə, hər komanda üçün 5800 bilet ayrılsa da, finalçılar uyğun olaraq cəmi 3000 və 2500 bilet sata biliblər. Yerdə qalan ümumilikdə 6000-ə yaxın biletin geri qaytarılması planlaşdırılırr. UEFA hər komandaya matçın keçiriləcəyi stadionun tutumunun 10 faizi qədər bilet ayırmışdı ki, bu da Bakı Beynəlxalq Hava Limanının tutumu ilə əlaqədar verilmiş qərar idi.

Hətta UEFA-nın sponsorlar üçün ayırdığı 2000 bilet də qaytarıla bilər. Əsas problemlər kimi isə Azərbaycana səyahətin çətinliyi və baha olmağı qabardılır.

Finalçıların və sponsorlar biletləri qaytaracağı təqdirdə,  həmin biletlər yenidən satışa çıxarılacaq.

Qeyd edək ki, final görüşü mayın 29-u keçiriləcək.


Son xəbərlər