22:30
"Neftçi" Azərbaycan Premyer Liqasının sonuncu - 28-ci turunun "Qarabağ"la ev oyununun "Bakcell Arena"da keçirilməsini istəmir. Paytaxt klubunun rəhbərliyi və azarkeşləri Ağdam təmsilçisinin çempionluğu onların meydanında qeyd etməsinin əleyhinədir. Səbəb olaraq isə “Qarabağ” azarkeşlərinin təhlükəsizliyini təmin edə bilməyəcəklərini göstərirlər. Hətta yerdəyişmə məsələsinin "Qarabağ"ın "Səbail"i məğlub edib çempionluğu rəsmiləşdirdiyi görüşdən dərhal sonra müzakirə olunduğu bildirilir.
Qol.az-ın əldə etdiyi xəbərə görə, paytaxt təmsilçisi artıq bununla bağlı "Qarabağ"a müraciət edib. Onlar matçın Ağdam klubunun ev oyunlarını keçirdiyi Tofiq Bəhramov adına Respublika stadionunda oynanılmasını təklif ediblər. Ancaq qarşı tərəf bundan imtina edib.
Digər məlumata görə isə "Qarabağ"dan istədiyi cavabı ala bilməyən "Neftçi" rəhbərliyi oyunun "Dalğa Arena"ya salınması üçün hazırda Peşəkar Futbol Liqası ilə danışıq aparır. "Neftçi"nin mətbuat xidmətinin rəhbəri Rüstəm Allahverdiyev də "sport24.az" saytına açıqlamasında xəbəri təsdiqləyib: “İndi qəti bir söz deyə bilmirəm. Çünki rəsmi qərar qəbul edilməyib. Hazırda klubumuz bu məsələylə bağlı AFFA və PFL-lə müzakirələr aparır. Həmin müzakirələrin yekununda son matçımızın hansı stadionda baş tutacağına dair futbol ictimaiyyətinə açıqlama veriləcək. Hələ ki, müzakirələr getdiyindən, PFL-ə rəsmi müraciət etməmişik”.
Peşəlar Futbol Liqasının mətbuat xidmətinin rəhbəri Aslan Şahgəldiyev Qol.az-a bildirib ki, əvvəlcədən elan olunduğu kimi oyunun “Bakcell Arena”da keçirilməsi nəzərdə tutulur: “Biz bu gün səhər bununla bağlı rəsmi açıqlama yaymışıq. Qərarımızda hər hansı dəyişiklik yoxdur”.
Qol.az-ın əldə etdiyi digər xəbərə görə, bu açıqlamadan sonra “Neftçi” tərəfi Peşəkar Futbol Liqasının prezidenti Ramin Musayevə müraciət edib. Qurumun rəhbəri bununla bağlı məsələyə hələlik özü münasibət bildirməyib. Lakin bildirilir ki, Ramin Musayev ona edilən müraciətlərdən sonra bu gün yaydığı açıqlamadan geri çəkilərək oyunu “Dalğa Arena”ya salmaq barədə düşünür.
Arne Slotdan antirekord
Ağlasığmaz təklif
“Bu nəticə gözlənilməz oldu” - Saşa İliç
“Turan Tovuz” 3 xalı 3 qolla qazandı - Video
“Qarabağ” evdə, “Turan Tovuz” səfərdə qalib gəldi
“Qarabağ” “Kəpəz”i minimal hesabla məğlub etdi – 1:0 - Video
Maykl Olise üçün 100 milyon avroluq təklif
“3 xal önəmli idi” - Qurban Qurbanov
“Sumqayıt” - “Turan Tovuz”: Heyətlər
“Biz bilmirik, Yamal nə vaxt qayıdacaq”
Mixal Bilek: “Azərbaycan millisi çox müdafiə olunacaq”
UEFA-dan Asim Xudiyevə növbəti təyinat
AFFA U-21 millisinə baş məşqçi təyin etdi - Rəsmi
