“Mourinyo kimi Sulşeri də arxadan vuracaqlar”

“Mourinyo kimi  Sulşeri də arxadan vuracaqlar”
DÜNYA FUTBOLU 25 Aprel 2019 / 14:14 3531
-  A +

"Mançester Yunayted"in sabiq kapitanı Roy Kin klubun hazırkı futbolçularını tənqid edib.

Qol.az-ın Britaniya mətbuatına istinadən yaydığı xəbərə görə, o, oyunçuların verdikləri vədlərə inanmadığını deyib:

"Hər zaman futbolçuların matçdan sonra dedikləri ilə maraqlanıram. Deyirlər ki, növbəti görüşdə özümüzü göstərəcəyik. Sən hər oyunda bunu etməlisən. Kimə görə oynadığın önəmli deyil, hər matçda özünü göstərməlisən. Mən bu oyunçu qrupunun vədlərinə inanmıram. Onlar Mourinyonu arxadan vurub avtobusun təkərləri altına atan həmin oyunçulardır ki, Sulşerə də mütləq eyni şeyi edəcəklər”.

R.Kin daha sonra bildirib: "Klubda azarkeşləri aldadan çox adam var. Onlar deyirlər ki, "Mançester Yunayted" yenidən zirvəyə qayıda bilər. Hətta komandanın necə 4-cü yeri tuta biləcəyi barədə söhbətlər də həm meydanda, həm də ondan kənarda klubun standartlarının dəyişməsindən xəbər verir".

Qeyd edək ki, Mourinyonun ötən ilin dekabrında "MY"da istefaya göndərilməyində futbolçuların da rolu olduğu iddia olunur.


Son xəbərlər