21:00
“Albaniya yığması ilə oyun əsas heyətdə yerimi qaytarmaq baxımından yaxşı bir şansdır. Daxilimdə belə hissiyyat var ki, qapını qorumağı mənə tapşıracaqlar”. Bunu Azərbaycan milli komandasının qapıçısı Fərhad Vəliyev deyib.
Cari seçmə mərhələ oyunlarında əsas heyətdə yerini gənc həmkarı Kamran Ağayevə verən 28 yaşlı qapıçı ruh düşkünlüyünə əsas görmür: “Əsas heyətdə yerini itirdiyinə görə gərək ruhdan düşməyəsən. Kamran əlinə düşən şansdan yaxşı yararlandı. Mən həmkarımın uğurlu çıxışına sevinməklə yanaşı, yenidən əsas heyətdə yer almaq iddiasındayam. Hər halda, son 2-3 ildə Azərbaycan yığmasının əsas qapıçısı olmuşam və yenidən öz sözümü demək istəyirəm”.
Ağdamın “Qarabağ” klubunda çıxış edən Vəliyev üzrlü səbəbdən yığmadan kənarda qalan Ağayevi əsas heyətdə əvəzləməyə real namizəddir. Təcrübəli qapıçı albaniyalılarla oyuna tam hazırdır: “Yoldaşlıq görüşünə ciddi hazırlaşmışıq. Sabahkı matça yoldaşlıq matçı deyil, rəsmi oyun kimi baxırıq. Öz meydanımızda çıxış edirik və bu, 2008-ci ildə sonuncu oyunumuz olacaq. Bütün bunlar qələbə istəyimizi artırır. Albaniya ilə qarşılaşmaya qələbə qazanmaq üçün çıxacağıq və inşallah, istəyimizə çatarıq”.
Qeyd edək ki, Foqts Albaniya ilə oyunun hazırlığına Vəliyevdən başqa qapıçıları - 32 yaşlı Rauf Mehdiyev (“Olimpik”) və 23 yaşlı Anar Nəzirovu (“Neftçi”) da çağırıb.
Mənbə: APA-Sport
QOL.az-dan yaxşı fürsət!
Evdə 150-ci qol
"Qarabağ"ın 2 qollu qələbəsindən - Video
"Bu məsələ inandırıcı görünmür" - Qurban Qurbanov
"Rəqib bizdən üstün idi" - Elmar Baxşıyev
"Qarabağ" "Araz-Naxçıvan"a, “Kəpəz” "Sumqayıt"a qalib gəldi
"Kəpəz"in qələbəsindən - Video
"Komanda üzvləri ilə danışığımız oldu" - Azər Bağırov
Millimiz böyük hesabla Belarusa uduzdu
“El-Klasiko”nu “Barselona” qazandı - Yenilənib
Mbappe "Real"da rekorda imza atdı
"Qarabağ" - "Araz-Naxçıvan" matçı üçün heyətlər
"Napoli" onunla danışıqlara başladı
Pedri mükafatlandırıldı
"Real"ın futbolçusu əməliyyat olunacaq
"Kəpəz" - "Sumqayıt": Heyətlər
Onlar da Bundesliqanı tərk etdi
Azərbaycan klublarının yeni dünya reytinqi
