Milli komandamız FİFA reytinqində 9 pillə irəlilədi

ÖLKƏ FUTBOLU 20 Noyabr 2009 / 13:26 2336
-  A +

Bu gün FİFA milli komandaların növbəti aylıq reytinq cədvəlini açıqlayıb. Qol.Az-ın məlumatına görə, ötən ayla müqayisədə 9 pillə irəliləyən milli komandamız hazırda 116-cı pillədə qərarlaşıb. Millimizin aktivində 237 xal var. Bu isə ötən ayla müqayisədə 24 xal çoxdur.
Millimiz sıralamada Qazaxıstan, Gürcüstan, Lüksemburq, Türkmənistan, Lixtenşteyn, Qırğızıstan və Tacikistan kimi komandaları qabaqlayır.
Uzun fasilədən sonra FİFA reytinqinin zirvəsində dəyişiklik baş verib. Sonuncu Avropa çempionu İspaniya Braziliyanı geridə qoyaraq, birinci pilləyə yüksəlib. Braziliya ikinci, Hollandiya isə üçüncüdür. Sonuncu dünya çempionu İtaliya dördüncü, Portuqaliya beşinci, Almaniya altıncı, Fransa yeddinci, Argentina isə səkkizincidir. “İlk 20-lik”də həmçinin İngiltərə, Xorvatiya, Kamerun, Yunanıstan, Rusiya, ABŞ, Meksika, Fil Dişi Sahili, Çili, İsveçrə, Uruqvay və Serbiya milliləri yer alır.
Millimizin Birləşmiş Ərəb Əmirliklərində keçirilən beynəlxalq tunirdə məğlub etdiyi Çexiya millisi isə ötən ayla müqayisədə 8 pillə geriləyərək, 25-ci yerə enib. Türkiyə millisi də 2 pillə geriləyib və hazırda 41-cidir. 
 

 


Son xəbərlər
18.03.25  16:16

Van Deyk ABŞ-ı seçdi