İdman Mətbuatına Yardım Fondu yaradılır

İdman Mətbuatına Yardım Fondu yaradılır
ÖLKƏ FUTBOLU 19 Noyabr 2009 / 20:00 2044
-  A +

Bu gün “Neftçi” klubunun rəhbərliyi jurnalistlərlə dəyirmi masa ətrafında görüş keçirib. Klubun ofisində təşkil olunan tədbirə bir sıra mətbu orqanların nümayəndələri qatılıblar. “Neftçi”nin vitse-prezidenti Tahir Süleymanov jurnalistlərlə görüşünün əsas məqsədini açıqlayıb. Onun sözlərinə görə, futbolun inkişafında mətbuatın rolu böyük olsa da, maddi-texniki baxımdan kifayət qədər problemləri var. Bu səbəbdən, T.Süleymanov şəxsən öz adından İdman Mətbuatına Yardım Fondunun yaradılması təşəbbüsü ilə çıxış edib. O bildirib ki, bu fonda klublar tərəfindən üzvlük haqqı şəklində vəsait toplanılacaq və həmin vəsait idman mətbuatının problemlərinin həllinə sərf olunacaq. “Neftçi” rəsmisinin fikrincə, bu təklifi digər klublar da dəstəkləməyə hazırdır.

Jurnalistlər də ümumilikdə təklifə müsbət yanaşıblar. Eyni zamanda, onlar fondla bağlı bəzi məqamların müzakirəyə ehtiyacının olduğunu söyləyiblər. T.Süleymanov isə mətbuat işçilərinin tezliklə ortaq məxrəcə gələcəklərinə ümid etdiyini bildirib.

Mənbə: lent.az


Son xəbərlər
18.03.25  16:16

Van Deyk ABŞ-ı seçdi