AVRO-2012 seçmə mərhələsindəki potensial rəqiblərimiz dəqiqləşdi

ÖLKƏ FUTBOLU 19 Noyabr 2009 / 16:57 2769
-  A +

Dünya çempionatının seçmə mərhələ - play-off qarşılaşmalarından sonra 2012-ci il Avropa çempionatının seçmə mərhələsindəki potensial rəqiblərimizin kimliyi dəqiqləşib. Qol.Az-ın məlumatına görə, milli komandamız sonuncu - altıncı səbətdə yer alacaq. Bu isə o deməkdir ki, Lüksemburq, Malta, Farer adaları, Andorra və San Marino millimizlə eyni qrupda yer almayacaq. Eyni zamanda milli komandamızın 6 komandalı qrupda yarışacağı da dəqiqdir. Səbətlərin tərkibi aşağıdakı kimidir:

1-ci səbət: İspaniya, Almaniya, Hollandiya, İtaliya, İngiltərə, Xorvatiya, Portuqaliya, Fransa, Rusiya

2-ci səbət: Yunanıstan, Çexiya, İsveç, İsveçrə, Serbiya, Türkiyə, Danimarka, Slovakiya, Rumıniya

3-cü səbət: İsrail, Bolqarıstan, Finlandiya, Norveç, İrlandiya, Şotlandiya, Şimali İrlandiya, Avstriya, Bosniya və Hersoqovina

4-cü səbət: Sloveniya, Latviya, Macarıstan, Litva, Belarus, Belçika, Uels, Makedoniya, Kipr

5-ci səbət: Çernoqoriya, Albaniya, Estoniya, Gürcüstan, Moldova, İslandiya, Ermənistan, Qazaxıstan, Lixtenşteyn

6-cı səbət: Azərbaycan, Lüksemburq, Malta, Farer adaları, Andorra, San Marino

Ümumilikdə seçmə mərhələdə yarışlar 9 qrupda keçiriləcək. Qrupların 6-da 6, 3-də isə 5 komanda yarışacaq. Avropa çempionatına qrup qalibləri və ikinci yeri tutan komandalar arasında ən yaxşı göstəriciyə malik olan komanda birbaşa vəsiqə qazanacaq. Digər ikinci yerin sahibləri isə play-off mərhələsində gücünü sınayacaq və qaliblər qitə birinciliyinə yüksələcək.
Xatırladaq ki, seçmə mərhələnin püşkatma mərasimi gələn il fevralın 7-də Polşanın paytaxtı Varşava şəhərində keçiriləcək.


Son xəbərlər
18.03.25  16:16

Van Deyk ABŞ-ı seçdi