Qvardioladan sərt cavab

Qvardioladan sərt cavab
XƏBƏR 1 May 2015 / 17:05 6609
-  A +

"Bavariya"nın baş məşqçisi Pep Qvardiola "Borussiya"nın kapitanı Sebastian Kehlin Almaniya kubokunun yarımfinal matçından sonrakı açıqlamalarına münasibət bildirib.

Qol.Az-ın "goal.com"a istinadən verdiyi məlumata görə, ispaniyalı mütəxəssis Kehlin "penaltilər seriyasına da hazırlaşmaq lazımdır" fikirlərinə belə cavab verib:

"Bundesliqada bizdən 35 xal geridədirlərsə, Kehlə tövsiyyəm susmaq olar. İndi bizim penaltilər seriyası üzərində çalışmağımıza vaxtımız çoxdur. Çünki artıq Bundesliqanın qalibi adını qazanmışıq. Rəqiblərimizə hörmətlə yanaşırıq. Oyundan sonra rəqib baş məşqçi Yurgen Kloppu təbrik etdim. Uduzduğumuzda da davranışımız belə olur".

Qeyd edək ki, Almaniya kubokunun yarımfinal görüşündə "Bavariya"ya penaltilər seriyasına qalib gələn (2:0) "Borussiya" finala adlayıb. Münhen təmsilçisi yerinə yetirdiyi 4 penalti zərbəsindən heç birini qola çevirə bilməyib.

Daha çox


Son xəbərlər