14:26
Bu gün AFFA-nın ilk prezidenti Fuad Musayevin anadan olmasından 77 il ötür. Azərbaycanın futbol təsərrüfatının keçmiş rəhbəri ad gününü keçmiş iş yoldaşları və yaxınlarının əhatəsində, dar çərçivədə keçirəcəyini bildirib.
O deyib: "Keçmiş vitse-prezident Oqtay Zeynalov, keçmiş baş katib Çingiz İsmayılov və digərləri evimizə gəlirlər. Mən də onlara yemək hazırlayıram. Oturub yeyirik, təbrik edirlər və gedirlər. Əksər vaxtlarda ad günümü belə qeyd edirəm. Çoxu dünyasını dəyişib. Hətta yaşadığım binada da tanınmış dövlət xadimlərindən çox az adam yaşayır".
Günə başlayandan onunla çox az adamın əlaqə saxladığını bildirən F.Musayev AFFA rəhbərliyindən təbrik zəngləri almadığını söyləyib: "İki il əvvəl 75 yaşımı keçirmək istəyirdilər. Həmin vaxt burda yox idim. Qayıdandan sonra isə hədiyyə göndərmək istədilər, mən də qəbul etmədim".
Qeyd edək ki, Fuad Ənvər oğlu Musayev 11 yanvar 1938-ci ildə Bakıda anadan olub. Uşaqlıq və gənclik illərində təhsilllə yanaşı, müxtəlif idman növləri ilə də məşğul olub. 1977-ci ildə Dövlət Planlaşdırma Komitəsində sədrin 1-ci müavini təyin olunub. Elə həmin il Azərbaycan SSR Ali Sovetinin deputatı seçilib və 1995-ci ilə kimi deputat mandatını daşıyıb. F.Musayev 1981-ci ildə Azərbaycan SSR Nazirlər Sovetinin sədr müavini, Mərkəzi Komitənin tikinti üzrə katib vəzifələrində çalışıb. O, 1983-cü ildən 1988-ci ilə kimi Bakı şəhər Partiya Komitəsinin I katibi vəzifəsində çalışıb. 1990-cı ildə Mərkəzi Komitənin iqtisadiyyat, tikinti və təsərrüfat üzrə katibi olub. Azərbaycan Respublikası müstəqillik əldə edəndən sonra Fuad Musayev Azərbaycan Futbol Federasiyaları Assosiasiyasının ilk prezidenti seçilib və uzun müddət AFFA-ya rəhbərlik edib. Hazırda təqaüddədir. 1 oğlu, 1 qızı, 4 nəvəsi var. Oğlu Tofiq Musayev hazırda Azərbaycanın BMT-dəki daimi nümayəndəsinin müavinidir (sportnet.az).
"Karvan"da yeni müqavilə
"Qarabağ" - “Şkendiya” oyununun biletləri satışa çıxarılır
Bir gündə iki müqavilə
"Şamaxı"dan 10-cu transfer
“Şkendiya" çox istəkli və bərk komandadır” - Qurban Qurbanov
"Barselona"dan 5 cavabsız qol - Video
"Qalatasaray"ın futbolçusu Fransa klubuna keçdi
“Qarabağ” Skopyedədir - Şəkillər
"Karvan" daha bir futbolçu ilə müqaviləni uzatdı
"Qəbələ" növbəti transferini açıqladı
2-ci Liqada komanda sayı və yeni format açıqlandı
"Bayer"də Patrik Şiklə yeni müqavilə
Çempionlar Liqası: pley-off mərhələsinin püşkü
"Arsenal"ın yeni formaları - Şəkillər
Makedoniyalı Muaremdən “Qarabağ” və “Şkendiya” açıqlaması
Ən gənc oyunçu “Qarabağ”da, ən yaşlı “Zirə”də oldu
Meydana ən çox legioner və yerli çıxaran Azərbaycan klubları
Tahir Gozel də “Qarabağ”la getdi
Qvardiola boşanır
"Sabah"ın rəqibindən qələbə
