Sereso: "Azərbaycan xalqı "Atletiko"nun uğurunun bir hissəsidir"

Sereso: "Azərbaycan xalqı "Atletiko"nun uğurunun bir hissəsidir"
ÖLKƏ FUTBOLU 28 May 2014 / 21:10 3057
-  A +

"Bakı"nın prezidenti Hafiz Məmmədova bizi yüksək səviyyədə qəbul etdiyi üçün təşəkkür edirəm. Fəxr edirəm ki, Azərbaycanın Respublika günündə burada çempionluq kubokunu nümayiş etdiririk.  Azərbaycana əməkdaşlıq üçün təşəkkürümü bildirirəm.  Biz də Azərbaycanı təmsil etməkdən qürur duyuruq".

Qol.Az-ın məlumatına görə, bu sözləri "Atletiko"nun prezidenti Enrike Sereso Madrid klubunun Bakı səfəri ilə bağlı təşkil olunan mətbuat konfransında deyib.

O, Azərbaycan xalqının "Atletiko"nun uğurunun bir hissəsi olduğunu söyləyib:

 "Əla bir mövsüm keçirdik. "Real"a bəxt amilinə görə Çempionlar Liqasının finalında uduzduq, amma İspaniya çempion olduq. Buna görə futbolçulara və məşqçilərə təşəkkür edirəm.  Bütün Azərbaycan xalqı bu uğurun bir hissəsidir. Azərbacan prezidenti İlham Əliyevə göstərdiyi diqqətə görə təşəkkür edirəm".

E.Sereso  ona da bildirib ki, Bakıya cəmi iki futbolçu - Arda Turan və Qabinin gəlməsi futbolçuların istirahətdə olmasıyla bağlıdır:

"Onlar sıx qrafikdə oynayıblar. Ona görə də tətil lazımdı. Futbolçuların çoxu millilərdədir.  Təlim-məşq toplanışında olduqları üçün bu, heç istirahət də deyil. Digər futbolçular da bura gəlmək istəyirdi. Çünki ötən ilki yüksək səviyyəli qəbulu unutmayıblar".

Daha çox


Son xəbərlər