Böyükağa Hacıyev: "Çempionluq şansımızı hələ itirməmişik"

Böyükağa Hacıyev: "Çempionluq şansımızı hələ itirməmişik"
ÖLKƏ FUTBOLU 19 Mart 2014 / 22:28 2962
-  A +

“Çox gərgin oyun alındı. Qarşımıza qoyduğumuz məqsədə nail olduq, növbəti mərhələyə keçdik. 65-ci dəqiqədən sonrakı əvəzetmələr buna xidmət edirdi. Denis Silva sırf dayaq yarımmüdafiəçisi kimi oynadı, bunun bəhrəsini gördük. Qol imkanlarından istifadə etsə idik, oyundan qələbə ilə ayrılardıq".

Qol.Az-ın PFL-in saytına istinadən verdiyi məlumata görə, bu sözləri "Neftçi"nin baş məşqçisi Böyükağa Hacıyev Azərbaycan kubokunun 1/4 finalında "İnter"lə cavab matçından (0:0) sonra deyib.

O, Rəşad Sadiqovu bu görüşdə də oynatmamasının səbəbindən də danışıb: "Rəşad istirahət edir. Futboldan bir az istirahət etməsi üçün ona icazə verilib. Qarşıdakı oyunlarda bizə kömək etməlidir. Bizdə uzunmüddətli istirahət olmur".

Təcrübəli mütəxəssis yarımfinaldakı rəqibləri "Rəvan"a qarşı ciddi hazırlaşacaqlarını bildirib:

"Bütün rəqiblərimizə hörmətlə yanaşırıq. Topaz Premyer Liqasında zəif komanda yoxdur. Bütün komandalar “Neftçi”yə qarşı xüsusi istəklə oynayır. Qarşıda “Rəvan”la oyunumuz var, ciddi hazırlaşacağıq. Hücumda kifayət qədər güclü futbolçularımız var. Bu oyunda əsas məqsədimiz qol buraxmamaq idi. Məqsəd İsayev Mahir Şükürovun mövqeyində xoş təsir bağışladı. Mən gənc futbolçuları əsas heyətə düşünmədən qoyuram. Çünki, futbolçularımın nəyə qadir olduğunu yaxşı bilirəm. Çempionluq şansımızı hələ itirməmişik. Kubokun finalına çıxsaq, rəqibin kimliyi fərq etməz. Çalışacağıq ki, bir daha ölkə kubokunu qazanaq. Mənim üçün bütün komandalar  eynidir".
Qeyd edək ki, "Neftçi" ilk qarşılaşmada səfərdə vurduğu qol sayəsində yarımfinala yüksəlib.

Daha çox


Son xəbərlər
29.03.26  22:30

Noyer geri dönür

topaz banner