18:30
- Bakıda olduğumuza görə çox şadıq. Bu oyuna ciddi yanaşırıq. Məhz bu səbədən 2 gün əvvəldən Bakıya gəlmişik. Dünya çempionatına birbaşa yollanmaq üçün qarşıdakı bütün oyunlara ciddi yanaşmalıyıq. Azərbaycan bir o qədər də güclü rəqib olmasa da, bir daha təkrarlayıram ki, matça ciddi yanaşırıq.
- Yoahim Löv start heyətini artıq müəyyənləşdirib?
- Dünən yüngül məşq keçdik. Bugünkü hazırlıq prosesi mühüm əhəmiyyət daşıyır. Yalnız onu deyə bilərəm ki, qapıda kimin duracağı dəqiqdir. Sabah bir nömrəmiz Enke olacaq.
- Dünənki məşqdə Kloze iştirak edib?
- Klozenin durumunda dəyişiklik yoxdu. Amma ümid edirəm ki, sabahkı matça o tam hazır olacaq.
- Azərbaycan haqda əvvəllər təsəvvürünüz var idi, yoxsa Foqts bura çalışmağa gələndən sonra ölkəmiz haqda eşitdiniz?
- Məktəbdə yaxşı oxumuşam. Azərbaycanın adını hələ əvvəldən eşitmişəm. Foqtsun burada çalışmasına çox şadam. O mənim məşqçim olub. Gənclər millisində məni kapitan təyin edib. Ona böyük hörmətim var. Amma sabahkı oyunda bunun heç bir fərqi yoxdur. Baxmayaraq ki, o da almandır, mən də almanam, ancaq sabahkı matçda güzəştdən söhbət gedə bilməz.
- Oyundan qabaq Foqtsla əlaqədə olmusunuz?
- Oyuna bir gün qalmış təbii ki, əlaqə saxlamamışıq. Amma ümumi götürdükdə, münasibətimiz var, tez-tez əlaqə saxlayırıq.
- Ballak böyük futbolçu olsa da, bugünədək elə bir ciddi titul qazana bilməyib. Bu nədən irəli gəlir?
- Sözsüz ki, Ballakın titulu çatışmır. Amma o klub səviyyəsində çox uğur qazanıb. Amma heç də hər bir böyük futbolçu geniş titul kolleksiyasına sahib ola bilmir. Məsəlçün Paolo Maldini.
- Biz mətbuat konfransında Lövün iştirak edəcəyini gözləyirdik. Amma o köməkçisini, bir sözlə ehtiyat qüvvəni mətbuat qarşısına çıxardı. Ola bilərmi ki, sabah da meydana ehtiyat qüvvəni buraxsın?
- Biz bu oyuna ciddi yanaşırıq. Ona görə də əmin olun ki, Löv meydana start heyətini, sərəncamında olan ən güclü futbolçuları buraxacaq.
- Tofiq Bəhramovu necə, məşhur hakimimizi tanıyırsınız?
- Çox məşhurdur, onu tanıyıram. Amma deyə bilmərəm ki, almanlar onu sevirlər. Biz onu sevmirik, Tilkovski özü də deyib ki, həmin epizodda qol deyildi.
"Barselona"nı tərk edir
"Barselona" onunla yeni müqavilə imzaladığını açıqladı
"Qarabağ"ın Avstriyadakı oyununda 9 qol - Video
“Qarabağ” Ukrayna komandasına uduzdu
"Şamaxı" növbəti transferini rəsmən açıqladı
“Qalatasaray” - “Napoli” danışıqlarında son durum
“Karvan”dan yayın ilk transferi
"Zirə"də yeni müqavilə - Rəsmi
"Araz-Naxçıvan" Superliqanın 2 təmsilçisi ilə qarşılaşacaq
Misli Premyer Liqasının püşkü bu tarixdə atılacaq
"Zirə"nin rəqibinin ulduz futbolçusu karyerasını başa vurdu
"Sabah" - "Çelye" oyununa nə qədər bilet satılıb?
“İmişli”də yeni qapıçı
Teo Ernandesin transferi tamamlanmaq üzrədir
"Real" oyunun təxirə salınmasını istəyir
Azərbaycan Premyer Liqasında 12 klubdan 5-nin baş məşqçisi əcnəbidir - Bəs, İliç kimdir?
"Sumqayıt" yeni baş məşqçisini açıqladı
"Şamaxı"dan ayrılan futbolçu bu kluba keçdi
"Əl-Əhli"nin hədəfi Messidir
"Bakı və "Qarabağ" həmişə qəlbimdə yer alacaq" - Jezniçak
