"İnter" və "Xəzər Lənkəran" qələbəni əldən verdi

ÖLKƏ FUTBOLU 19 İyul 2012 / 22:49 11554

- A +

Bu gün Avropa Liqasında II təsnifat mərhələsinin ilk oyunlarına start verilib.

Qol.Az-ın məlumatına görə, təmsilçilərimiz "Xəzər Lənkəran" və "İnter" klubları da bu axşam ilk oyunlarına çıxıb.

Ötən mərhələdə Estoniyanın "Nomme Kalyu" klubunu mübarizədən kənarlaşdıran "Xəzər Lənkəran" bu dəfə Polşa "Lex"i ilə qarşılaşıb. Lənkəran təmsilçisi doğma meydan amilindən maksimum yararlanmaqla görüşdən sərfəli nəticə ilə ayrılmağa çalışacaqdı. Lakin hərəyə bir dəfə fərqlənən komandalar görüşdən sülhlə ayrılıb - 1:1.

Digər təmsilçimiz Bakının "İnter" klubu isə öz meydanında Yunanıstanın "Asteras Tripolis" komandasını qəbul edib. İlk mərhələdə Estoniyanın "Trans" klubunu darmadağın edən (5:0, 2:0) Kaxaber Sxadadzenin komandası bu oyunda da rəqibini əliboş yola salmaq niyyətində idi. Lakin bu görüş də sülhlə başa çatıb - 1:1.

Qeyd edək ki, bu komandalar arasında cavab oyunları bir həftə sonra - iyulun 26-da keçiriləcək.

19 iyul

Avropa Liqasında II təsnifat mərhələsinin ilk oyunları

21:00. "İnter" (AZƏRBAYCAN) - "Asteras Tripolis" (Yunanıstan) - 1:1
Qollar: Tales Şütz, 46 (1:0), Emanuel Perrone, 54 (1:1)
Baş hakim: Mihay Fabian (Macarıstan).
Bakı. "Dalğa Arena".

"İnter": Georgi Lomaya, Valeri Abramidze, Vladimir Levin, Brüs Abdulaye, İlia Kandelaki, Ruslan Əmircanov, Slavço Georgiyevski, İbrahim Niasse (Peter Zlatinov, 72), Georgi Adamiya (Daniel Genov, 89), Asif Məmmədov (Nizami Hacıyev, 46), Tales Şütz

"Asteras Tripolis": Bantis Xuanito, Lautaro Formika, Fernando Usero, Emanuel Perrone (Kaubrilis, 90+1), Rayo (Kristof Pipinis, 88), Savas Çampurs, Leandro Alvares, Sebastyan Bartolini, Ximo Armero, Mixalis Fraqulakis (Anastosis Bakatakis, 54)

20:00. "Xəzər Lənkəran" (AZƏRBAYCAN) - "Lex" (Polşa) - 1:1
Qollar: Branimir Subaşiç, 4 (1:0), Mateusz Mozdren, 19 (1:1)
Qırmızı vərəqə: Simon Drevniak ("Lex", 90+1)
Baş hakim: Robert Şerqenhofer (Avstriya).
Lənkəran. Şəhər stadionu.

“Xəzər Lənkəran”: 1. Kamran Ağayev, 5. Elnur Allahverdiyev, 6. Robert Alviz (Rendal Brenes, 46), 7. Sadio Tounkara, 8. Eder Bonfim, 9. Branimir Subaşiç, 14. Rahid Əmiqruliyev (k), 15. Ruslan Abışov, 16. Adrian Pit (Rikardo Qomes, 80), 21. Radomir Todorov, 27. Manuel Skarlatake
Ehtiyat oyunçular: 85. Kamal Bayramov, 81. Rikardo Qomes, 11. Ramol Brenes, 10. Elnur Abdullayev, 4. Akif Tağıyev, 42. Kamran Abdullazadə, 18. Alim Qurbanov

“Lex”: 1. Yasmin Buriç, 5. Manuel Arboleda, 14. Voya Ubiparip (Gergo Lovrensiç, 86), 16. Rafael Muravski, 17. Simon Drevniak, 18. Bartos Slusarsk (İvan Dzvarzdeyviç, 62), 20. Hubert Volakyeviç, 24. Aleksandr Tonev (Yakub Vilki, 76), 25. Luis Henri Quez, 32. Mateusz Mozdren, 35. Marçin Kaminski
Ehtiyat oyunçular: 27. Kristofer Katarovski, 3. İvan Dzvarzdeyviç, 4. Tomas Kedziora, 7. Yakub Vilki, 8. Yaçek Kleb, 11. Gergo Lovrensiç, 28. Bartos Beresszynski

Daha çox