17:21
“İlk dövrənin başa çatmasını gözləyirəm. “Poloniya”nı tərk edəcəyim qətidir. Hazırda vəziyyətdən çıxış yolu axtarırıq. İlin sonunadək özümə yeni klub tapacağam”. Bu fikirləri Azərbaycan yığmasının müdafiəçisi Saşa Yunisoğlu deyib.
Polşada güclülər dəstəsində turnir cədvəlinə liderlik edən “Poloniya”nın 23 yaşlı futbolçusu cari çempionatda oynamayıb. “Qrotslin” klubu yayda “Poloniya”ya çevrildikdən sonra yeni adlı komandada yalnız Liqa Kubokunda meydana çıxan Saşa görüşü əvəzedilmədən keçirib və sarı vərəqə alıb. Yunisoğlu özünü əsas heyətdə yer alanlardan zəif saymır: “Oynamamağım futboldan kənar söhbətlərlə bağlıdır. Vaxtı gələndə bunu açıqlayacağam. Komanda yoldaşlarım da heyətdən kənarda qalmağıma təəccüblənirlər. Onlar yığmada oynayan futbolçunun klubda ehtiyatda saxlanmasını gülüşlə qarşılayırlar. Baş məşqçi şans verməməyini səbəbini demir”.
Yığmamızın müdafiəçisinin fikrincə, uzun müddət oyun praktikası sarıdan korluq çəkməsi başqa kluba keçidində problem yaratmayacaq: “Mən peşəkar futbolçuyam. Hesab edirəm ki, hazırkı formam başqa klubda çıxış etməyimə imkan yaradır. Polşada LKS və “Odra” variantları var. “Poloniya” məni icarəyə vermək istəsə də, buna razı deyiləm. Çünki müqavilə şərtlərinə əsasən, icarədən sonra geri qayıtmalıyam və bu mənə sərf etmir. “Poloniya”dan birdəfəlik ayrılmaq istəyirəm. Klubla yayadək müqaviləm var. Yaxşı variant olmasa, anlaşmamın başa çatmasını gözləməli olacağam. Ola bilsin ki, ikinci dövrədə mənə şans verildi”.
Avropada çıxış etmək istəyində olan müdafiəçi agentinin bunun üzərində çalışdığını deyib. Saşa Polşadan sonra başqa ölkədə qərarlaşacağını istisna etmir: “Karyeramı Avropada davam etdirmək iddiam qalır. Yeni klubla təlim-məşq toplanışına yollanmağın vacibliyini nəzərə alsaq, buna qədər taleyimə aydınlıq gətirməliyəm. Vətənə qayıtmaq variantı da var. Bildiyimə görə, öz klublarımızdan mənimlə maraqlanan var. Ancaq indidən ad çəkməyim düzgün olmazdı. Yenidən Azərbaycanda çıxış etməyə ən son variant kimi baxıram”.
Xatırladaq ki, Yunisoğlu kapitanı olduğu İmişlinin “MKT-Araz” klubu ötən il dağıldıqdan sonra “Qrotslin”ə keçib.
Mənbə: apasport.az
UEFA 2 klubu sərt cəzalandırdı
"Real"dakı davanı mediaya sızdıran şəxs müəyyən olunub
"Mən yaxşıyam.." - Elvin Cəfərquliyev
"İstefaya getmək niyyətində deyiləm"
"Arsenal"ın futbolçusu sıradan çıxdı
Rəhim Həsənov hakimlərin qərarlarını təsdiqlədi - Video
Dik Advokat Kurasao millsinə qayıtdı
"Marsel"dən ərəb klubuna keçir
2-ci liqada 6 oyunun saatı məlum oldu
2-ci liqada 26-cı tura yekun vuruldu
"Bizim itirəcəyimiz şeylər daha çoxdur" - Rəşad Sadıqov
"Zirə" final matçına itki ilə çıxacaq
Serxio Ramos "Sevilya"nın rəhbəri ola bilər
Əliyar Ağayev bu dəfə 1-ci liqada
Hakimlər üçün danışılmış oyunlara qarşı sessiya keçirildi
"Azarkeşlər finaldan həzz alacaqlar" - Valdas Dambrauskas
Pikeyə 200 min avro cərimə kəsildi
“Kəpəz”in şərtləri məni qane etsə, qalacam” – Azər Bağırov
Levandovski üçün sürpriz namizəd
"Qarabağ" regionda ilk Dayanıqlılıq Hesabatını təqdim etdi
Azərbaycan kubokunda finalın hakimləri açıqlandı
Baş məşqçi DÇ-2026-ya 1 ay qalmış istefa verdi
“Sabah" onu 1 milyona birdəfəlik transfer edir
