FİFA VAR-la bağlı yeni qaydalar tətbiq edir

FİFA VAR-la bağlı yeni qaydalar tətbiq edir
DÜNYA FUTBOLU 17 May 2024 / 16:00 2963
-  A +

FİFA VAR-la bağlı yeni qayda tətbiq etməyə hazırlaşır.

QOL.az xəbər verir ki, bu barədə qurumun prezidenti Canni İnfantino Banqkokda keçirilən FİFA-nın 74-cü Konqresində bildirib. Onun sözlərinə görə, rəhbərlik etdiyi təşkilat məşqçilərə VAR-ın nəzərdən keçirilməsini tələb etməyə icazə verməyi planlaşdırır. İnfantino deyib ki, məşqçilər hər oyunda iki dəfə VAR-dan kömək istəyə biləcəklər.

“VAR-dan istifadə üçün daha universal texnologiya yaradılıb. Beləliklə, bu sistem hər kəs üçün daha da əlçatan olacaq. Məşqçilər iki dəfə VAR-dan kömək istəyə biləcəklər. Futbolçular isə bu barədə məşqçidən soruşa bilərlər. Əgər hakimin ilkin qərarı dəyişdirilərsə, məşqçilər sorğu vermək imkanını itirməyəcək və iki dəfə videobaxış tələb edə biləcəklər” - deyə o qeyd edib.

Xatırladaq ki, İngiltərə Premyer Liqa klublarının gələn mövsümdən etibarən VAR-ın ləğvinə səs verəcəyi məlum olub. Əvvəllər oxşar səsvermə İsveçdə də keçirilib - ölkə klubları VAR-ı tətbiq etməkdən imtina ediblər. UEFA reqlamentinə görə, ölkələr öz daxili turnirlərini VAR-la və ya VAR-sız keçirməyə özləri qərar verirlər.


Son xəbərlər