"Liverpul"un sahibindən Kloppun qərarına münasibət

"Liverpul"un sahibindən Kloppun qərarına münasibət
XƏBƏR 26 Yanvar 2024 / 16:38 4849
-  A +

"Liverpul"un sahibi olan "Fenway Sports Group" şirkətinin prezidenti Mayk Qordon baş məşqçi Yurgen Kloppun mövsümün sonunda klubdan ayrılacağı ilə bağlı açıqlamasına münasibət bildirib.

QOL.az xəbər verir ki, o deyib: 

"İlk növbədə Con Henri və Tom Verner adından Yurgenə dərin minnətdarlığımızı bildirmək istəyirəm. Əlbəttə, biz təkcə belə  səviyyəli məşqçini deyil, həm də bir insanı və liderimizi itirdiyimiz üçün çox məyus olacağıq. Ona böyük hörmətimiz var. Eyni zamanda, biz Kloppun istəklərinə və qərarlarına da hörmət edirik.

Yurgen inanılmaz nailiyyətlərlə bizə, komandaya və azarkeşlərə sevinc yaşatdı. "Liverpul" üçün etdiklərinə və mövsümün sonuna qədər edəcəklərinə görə Kloppa təşəkkür edirəm. Siz heç vaxt tək olmayacaqsınız".

Xatırladaq ki, Klopp 2015-ci ilin oktyabrından "Liverpul"a başçılıq edir. Onun rəhbərliyi altında "qırmızı"lar Çempionlar Liqası, İngiltərə çempionatı, İngiltərə kuboku və Liqa kuboku, UEFA superkuboku və klublararası dünya çempionatında qalib olublar.


Son xəbərlər
02.04.26  19:40

Buffon da istefa verdi

02.04.26  10:24

Qattuzo qovulacaq

01.04.26  21:12

Keyn sıradan çıxdı

topaz banner