Rövnəq Abdullayev: "Mirça Rednik sərt cəzalanmalıdır"

Rövnəq Abdullayev: "Mirça Rednik sərt cəzalanmalıdır"
ÖLKƏ FUTBOLU 4 Mart 2011 / 15:12 3377
-  A +

“Xəzər Lənkəran”ın vitse-prezidenti Tuyqun Nadirov udanda da, uduzanda şikayət edir. Mən bilmirəm, o, nə istəyir? Hələ “Neftçi”də işlədiyim zaman bunun şahidi olmuşam”. Qol.Az-ın apasport.az-a istinadən yaydığı xəbərə görə, bu fikirləri AFFA prezidenti Rövnəq Abdullayev “Neftçi” – “Xəzər Lənkəran” oyunu haqda danışarkən deyib.

Assosiasiya başçısı Azərbaycan kuboku uğrunda “Neftçi” – “Xəzər Lənkəran” oyununa, klubun vitse-prezidenti Tuyqun Nadirovun baş hakim Anar Salmanovun pul istəməsinə münasibətini bildirib: “Mən “Neftçi” – “Xəzər Lənkəran” oyunundakı hakimlikdən razıyam. Çoxdan Azərbaycanda belə yaxşı oyun izləməmişdim. Çox yaxşı oyun oldu. Hakimlikdən narazı qalmadım, oyunu çox normal idarə etdi. AFFA işi peşəkar hakim hazırlamaqdır, peşəkar futbolçu yox. AFFA hakimlərin hazırlığında çox böyük işlər görür. Hakimlərin Azərbaycanda, Türkiyədə təlim-məşq toplanışları keçirlər. Dünyanın ən yaxşı təlimatçılarını gətirirlər, hakimlərlə yanaşı, məşqçilərlə iş görülür. Mən oyunlara baxaraq, deyə bilərəm ki, hakimlər pis təsir bağışlamırlar. Yaxşı hakimlik var”.

Abdullayevin sözlərinə görə, texniki zonadan qovulan “Xəzər Lənkəran”ın rumıniyalı baş məşqçisi Mirça Rednik cəzalanmalıdır: “Baş hakim çox yaxşı etdi ki, “Xəzər Lənkəran”ın baş məşqçisini texniki zonadan qovdu. Mən Peşəkar Futbol Liqasına müraciət etmişəm ki, həmin baş məşqçi ilə bağlı sərt qərar çıxarsınlar. Elə hərəkət dünyanın heç yerində görünmür. Bu, baş məşqçi üçün qeyri-etik hərəkətdir. Belə şeylər olmaz. Bu, futbolumuza xələl gətirir və etikanı qorumalıyıq”.

Daha çox


Son xəbərlər