Azərbaycan millisi rəsmən AÇ-2012-də

Azərbaycan millisi rəsmən AÇ-2012-də
ÖLKƏ FUTBOLU 26 Fevral 2011 / 14:07 2986
-  A +

Futzal üzrə Azərbaycan milli komandası 2012-ci ildə Xorvatiyada keçiriləcək Avropa çempionatının final mərhələsinə vəsiqəni təmin edib. Qol.Az-ın UEFA-nın rəsmi saytına istinadən verdiyi məlumata görə, yığmamız bu hüquqa Fransa ilə görüşdən sonra yiyələnib.
 
Azərbaycan millisi dünən Fransaya 4:2 hesabı ilə qalib gəlməklə qrupdakı xalını 6-ya yüksəldərək 2-ci pillədə möhkəmlənib. Millimizin hələ İspaniya ilə oyunu qalsa da, yığmamız artıq AÇ-2012-nin final mərhələsinə vəsiqə qazanıb. Lakin Azərbaycanla yanaşı  qrupumuzda yer alan İspaniya, həmçinin Portuqaliya, İtaliya və Sloveniya yığmaları dа final mərhələsinə vəsiqəni təmin edib.

Bununla da, Xorvatiyada təşkil olunacaq Avropa çempionatının final mərhələsində iştirak edəcək 12 komandanın yarısı artıq müəyyənləşib. Digər komandaların adlarına isə qruplardakı son oyunlardan sonra aydınlıq gələcək.
 
Qeyd edək ki, seçmə mərhələnin Bakıda keçirilən son turunda yığmamız sabah saat 21:00-da İspaniya millisi ilə qarşılaşacaq.

Daha çox


Son xəbərlər