14:14
"Mənim üçün çox maraqlıdır: niyə həmişə bizim oyundan sonra belə məsələlər ortaya atılır və hamı hakimlərin bizə kömək etdiyini deyir? Xatırlayırsınızsa, ayın 13-də "Xəzər Lənkəran"la oyunda təmiz penaltimizi vermədilər, amma biz heç bir etiraz etmədik". Qol.Az-ın məlumatına görə, bu sözləri Bakının “Neftçi” klubunun baş məşqçisi Arif Əsədov deyib.
41 yaşlı mütəxəssis klubun rəsmi internet saytına müsahibəsində Azərbaycan Premyer Liqasının XXI turunun “Simurq”la oyunundan sonra yaranan söz-söhbətə münasibət bildirib. Əsədov hakimlərin komandasına kömək etməsi fikri ilə razı deyil: “Biz bu məsələni mütəxəssislərin öhdəsinə buraxdıq. "Simurq"la oyun "Neftçi" üçün ən asan oyunlardan biri oldu. Əgər bizim komanda 45 dəfə top ötürməsi edərək, topu itirmədən təhlükəli hücum edirsə və rəqib komanda topu bizdən ala bilmirsə, bu o deməkdir ki, "Neftçi" meydanda məşq edirdi. Hesab göz qabağındadır. Matçda topa nəzarət bizdə idi. Oyun qabağı böyük ajiotaj vardı, hər kəs rəqibin stimullaşdırıldığından danışırdı. Ancaq komandanın oyunu yenə göstərdi ki, "Neftçi" düzgün yoldadır. Komandamızın öz oyun üslubu var və oyun üslubuna uyğun yaxşı meydança olanda "Neftçi" qarşısıalınmazdır”.
Əsədov daha çox mübahisəyə səbəb olan və oyundankənar vəziyyətdən vurulduğu deyilən ilk qolun təmiz olduğunu düşünür. O bildirib ki, “Neftçi” özü 3-dən artıq qol vurmaq istəməyib: “Biz bir neçə dəfə epizodun təkrarına baxdıq və orda heç bir oyundankənar vəziyyətdən söhbət belə gedə bilməz. Ancaq mətbuatda yazırlar ki, Aydın Ələkbərov "Simurq"u "sındırdı". Biz istəsəydik, bu görüşdə fərqi daha da artıra bilərdik”.
Çalışdırıcı “Simurq”un futbolçularının etirazına səbəb olan 2-ci qolda rəqib oyunçuların hərəkətini əsassız sayır: “Həmin epizod adi bir künc zərbəsi idi və biz bundan yararlana bildik. Müdafiəçimiz Ruslan Abışov öz qolunu vurdu. Qol vurulan ana qədər artıq topa 5-6 dəfə toxunuş olmuşdu. Qoy bütün komandalar öz oyunlarına fikir versinlər, necə ki, biz bunu edirik. Biz yalnız öz oyunumuza baxırıq. Liderliyimizi çempionatın sonuna qədər davam etdirmək üçün əlimizdən gələni edəcəyik”.
"Sabah"ın 4 qollu qələbəsi - Video
"Bilirdik ki, rəqibdən güclüyük" - Valdas Dambrauskas
"Bu cür uduzmaq xoş olmur" - "Petrokub"un baş məşqçisi
"Hayduk" - "Zirə": Heyətlər
“Sabah” Konfrans Liqasında 3-cü mərhələyə adladı
"Aris" - "Araz-Naxçıvan": Heyətlər
"Sumqayıt" "Kəpəz"ə qalib gəldi
13 ildən sonra "Mançester Siti"dən ayrıldı
“Qarabağ” UEFA reytinqində irəlilədi
"Çelsi"dən "Sanderlend"ə
"Barselona"nın oyununda 10 qol - Video
"Sabah" - "Petrokub" matçı üçün - Heyətlər
"Sumqayıt"dan yeni transfer - Rəsmi
"İmişli" serbiyalı futbolçu transfer etdi
"Neftçi"nin sonuncu oyununun vaxtı məlum oldu
Laporta Messi və Yamaldan danışdı
1-ci liqa klubunda daha 2 ayrılıq
Klublarımızın bugünkü oyunlarını yayımlayacaq kanallar
"Qarabağ"ın oyunu məşhur hakimə tapşırıldı
