Qol.Az saytının suallarını “Karvan”ın baş məşqçisi Yunis Hüseynov cavablandırır
- Premyer-liqanın “Bakılı” ilə oyunun hazırlığı necə gedir?
- Hər şey normaldır. Bakıdakı bazamızda bir araya gəlmişik. Məşqlərimizi isə “Ədliyyə” stadionunda edirik. Düzdür, hava şəraiti bu gün bir az bizə mane oldu, amma ümumilikdə hər şey qaydasındadır.
- “Bakılı” audsayder olsa da, yəqin ki, arxayınlaşmaq olmaz.
- Elədir. Bizi çox ağır bir qarşılaşma gözləyir. Rəqibin zəif olması o demək deyil ki, artıq özümüzü qalib hesab edirik. Rəqibin kimliyindən asılı olmayaraq, bütün oyunlara məsuliyyətlə yanaşmaq lazımdır.
- Süleyman Kamara bu tur meydana çıxa biləcək?
- Kamaranın ciddi problemi yoxdur və onu oynamağa hazır saymaq olar. Sadəcə, mən istəyirəm ki, tam hazır olsun. Çünki hiss edirəm ki, qaçanda haradasa ayağında ağrı hiss edir.
- Bəlkə yenidən müalicə olunmasına ehtiyac var?
- Yox. Növbəti tura kimi Kamara da oynamağa tam hazır olacaq.
- Qış hazırlıq dönəmində heyətinizi ən azı iki səviyyəli legioner qatmadığınıza görə təəssüflənmirsiniz ki?
- Mən iki legionerin bizi daha da gücləndirməsnə inanmıram. Bir də ki, “Karvan” elə indi də güclüdür.
- Yunis müəllim, Lənkəranda sizə qarşı münasibət necə idi? Son günlər bununla bağlı müxtəlif fikirlər dolaşmaqdadır.
- Normal münasibətlə üzləşdik. Oyundan bir gün əvvəl Lənkərana getmişdik. Orada “Qala” otelində qaldıq və görüşdən bir gün öncə də, qaydalara uyğun olaraq bir saat matçın oynanılacağı stadionda məşq etdik. Deməyim odur ki, hansısa laqeyd münasibətlə üzləşmədik.
- Komandanızın kapitanı Kamal Quliyev “Xəzər-Lənkəran”ın baş məşqçisinin sizə yuxarıdan aşağı baxdığını bildirib. Kamalın sözlərinə görə o, Ponomaryov özünü elə aparıb ki, sanki “Çelsi”, “Real” kimi klubun baş məşqçisidir.
- Bu haqda mən də ölkə mətbuatından tanış olmuşam. Kamalla Ponomaryov görüşəndə mən orada olmamışam. Buna görə də münasibət bildirməyim doğru olmazdı.
- Ümumiyyətlə Ponomaryovla münasibətiniz necədir?
- Normal.
- Lənkəranda onunla görüşdünüz?
- Hə.
- O zaman son vaxtlar gəzən bir söhbətə də aydınlıq gətirsəniz pis olmazdı. Deyilənə görə, 1988-ci ildə Seul Olimpiadasına SSRİ-nin olimpiya millisinin heyətində siz getməli idiniz. Lakin son anda adınız siyahıdan çıxarılıb və Cənubi Koreyaya Ponomaryov yollanıb. Məhz bu səbəbdən o vaxtdan aranızda soyuq münasibət yaranıb.
- Bu haqda mənim nəsə deməyim düz olmaz.
- Amma bu məsələyə münasibət bildirməyiniz qaranlıq məqama aydınlıq gətirəcək.
- SSRİ-nin olimpiya millisinin heyətində mənim də adım vardı. Ümumiyyətlə, 1986-cı ildən bu yığmanın üzvü idim. Seuldakı olimpiadadan əvvəl bütün matçlarda əsas heyətdə meydançaya çıxdım. Turnir başa çatandan sonra mənə dedilər ki, Seula gedən heyətdə mütləq yer alacaqsan. Amma orada əsas heyətdə yer alıb-almayacağımın özündən də asılı olduğunu söylədilər. Bəli, qayıtdıq Bakıya və “Neftçı”də məşqlərimi davam etdirdim. Sonradan məlum oldu ki, Seula mən yox, Ponomaryov gedəcək.
- Bəlkə azərbaycanlı futbolçunun SSRİ yığmasının formasını geyinməsini Moskvadan istəmirdilər?
- Yox, burada mənim milliyətim heç bir rol oynamadı.
- İndiyə kimi bunun səbəbi sizə qaranlıq qalır?
- Bu işin arxasında kimlərin dayandığını öyrəndim.
- Bəlkə açıqlayasınız? Həmin şəxslər milliyətcə ruslar idi?
- Elə öz azərbaycanlılarımız mənim yolumu bağladılar. O vaxt idman komitəsində Arif Zərbəliyev, Rauf Adıgözəlov və bir də Yuri Məmmədov var idi. Məhz bu şəxslər haqqımda xoşagəlməz söhbətlər yayaraq Seula gedişimi əngəlləyərək əvəzimə Ponomaryovu göndərdilər.
- Haqqınızda nə deyirdilər?
- Moskvaya yalandan belə bir informasiya göndərmişdilər ki, guya mən məşq və rejimə əməl etmirəm, avaraçılıqla məşğulam. Buna görə də pis formadayam.
- Bəs, SSRİ yığmasının baş məşqçisi əlaqə saxlayıb məsələni sizinlə dəqiqləşdirmədi?
- Yox, hardan əlaqə saxlayaydılar? Bir də, artıq yuxarıdan qərar verilmişdi, onlar da mənim haqqımda sözlərini demişdilər. Mən kim idim ki, nəsə deyəm? Bir də sonradan onlar da bildilər ki, əsl həqiqət necə olub. Hacı Hacıyevi yəqin ki, tanıyırsınız. Rusiyanın ən tanınmış və təcrübəli mütəxəssislərindən sayılır. Seul olimpiadasından sonra həmin Hacıyev mənə demişdi ki, sənin Seula yolunu öz azərbaycanlıların bağladı.
Avro-2024 üçün heyəti açıqladılar
"Çelsi" Poçettino ilə yolları ayırdı
2-ci liqanın bombardiri təltif edildi
AFFA-nın danışıq apardığı mütəxəssis Almaniya klubunda
Ramos və Ronaldodan Kroosun qərarına reaksiya
Dibala Amerika kubokuna aparılmır
Sterlinq Avro-2024-dən kənarda qalacaq
2-ci liqada mövsümə yekun vuruldu
Minifutbol üzrə dünya çempionatı Bakıda keçiriləcək
Avro-2024: İngiltərə millisinin də heyəti açıqlandı
Portuqaliya millisinin Avro-2024 üçün heyəti - Ronaldo...
"Bavariya" Kompani ilə danışıqlara başladı
Kroos karyerasını başa vurur - Rəsmi
Daha bir komandanın Avro-2024 üçün heyəti açıqlandı
Avro-2024-ün bombardirinə bu mükafat veriləcək - Şəkillər
Azərbaycan millisinin oyunlarına hakim təyinatları açıqlandı
Benzema qərarını verdi
Bir oyunda 56 penalti vuruldu
Bu gün 9 güləşçimiz Avropa çempionatında mübarizə aparacaq
Klopp vida gecəsində rəqs etdi - Video
"Barselona" Xavini niyə istefaya göndərmək istəyir?
Mbappe vida yeməyi təşkil etdi - Makron da getdi
"Bavariya" Tuhelə nə qədər təzminat ödəyəcək?
"Dinamo" 3 xalı 5 qolla qazandı - Video
Rəşad Nəbiyev Hidayət Heydərovu təbrik edib
Musasız “Yurqorden”dən növbəti qələbə
“Yuventus”dan geridönüş
"Cəbrayıl" "Füzuli"ni belə məğlub etdi - Video
Azərbaycan millisi Sloveniyaya yollanıb
Rahil Məmmədov 90 dəqiqə oynadı
Cəlal Hüseynovun komandasından heç-heçə
Azərbaycan millisinin üzvü: "Hədəfimiz böyükdür"
Hidayət belə dünya çempionu oldu - Video
"Liverpul"un yeni baş məşqçisi rəsmiləşdi
Hidayət Heydərov dünya çempionu oldu - Yenilənib
Əvəzedicilər Liqasında çempion oldular
Qusar" - "Lerik" oyununda 6 qol - Video
Azərbaycan liqalarında pley-off oyunlarının vaxtı bilindi
Bundesliqada mövsümün ən yaxşısı müəyyənləşdi