22:14
İtaliya millisinin sabiq hücumçusu Antonio Kassano “Roma”nın baş məşqçisi Joze Mourinyonu tənqid edib.
Qol.az xəbər verir ki, məşhur veteran futbolçu İtaliya mətbuatına açıqlamasında portuqaliyalı mütəxssisin komandada ədəbsiz davrandığını və heç bir taktiki gedişlə yadda qalmadığını deyib:
“Mənim üçün Mourinyo sıfırdır və xoşagəlməz futbol oynadır. “Roma” gah qalib gəlir, gah da uduzur, amma onların futbolu həmişə eynidir. Heç ardıcıl üç ötürmə də etmirlər. Mourinyo özünü fenomen sayır və Pep Qvardiola olmaq istəyir. Amma xəyallarında da Qvardiola ola bilməz. Fakt budur ki, “Roma” 20 il əvvəlin futbolunu oynayır. Mourinyo “Roma” ilə kubok qazandı, bundan sonra da istədiyini qazana bilər. Ancaq reallıq budur ki, o, Romada ədəbsiz davranır. Əksər futbolçular onun çalışdırdığı komandalardan ayrılmaq istəyir”.
Qeyd edək ki, Mourinyo 2021-ci ilin yayından “Roma”nı çalışdırır. Onun komandası hazırda A seriyasının turnir cədvəlində 3-cü pillədədir. Avropa Liqasında da mübarizəni davam etdirən paytaxt klubu 1/4 finalın ilk oyununda ötən gecə səfərdə "Feyenoord"a 0:1 hesabı ilə uduzub.
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Mingəçevir"dən qələbə, "Şəfa" xal itirdi
Rəqibə yumruq atan futbolçu sərt cəzalandırıldı
"Qolların hamısını dəf etmək çətin idi"
4 illik diskvalifikasiya olundu
