04.11.25
"Çelsi"nin yeni baş məşqçisi Frenk Lempard Çempionlar Liqasının 1/4 finalındakı rəqibləri "Real" və mərhələni keçmək şanslarından danışıb.
Qol.az Britaniya mətbuatına istinadən xəbər verir ki, o, bu gün keçirdiyi mətbuat konfransında Madrid klubunun çətin rəqib olduğunu deyib:
“Hər oyunda qələbə qazanmaq istəyirik. Qarşıda vacib oyunlar var. Biz özümüzə inanmalıyıq. Komandaya inamım güclüdür və bu gün bunu futbolçulara deyəcəyəm.
Mən sadəlövh deyiləm. "Real" böyük klubdur, Çempionlar Liqasının son qalibidir. Amma bizim də şansımız olacaq. Qarşıda iki oyun var. Mənim vəzifəm addım-addım hərəkət etməkdir.
Yenidən Çempionlar Liqasında mübarizə apardığım üçün çox şadam. Dünyanın ən yaxşı yarışmasıdır. "Real"ı məğlub etmək çox çətindir. Amma bizim başqa yolumuz varmı?"
Qeyd edək ki, “Çelsi” ilə "Real" arasında ilk oyun aprelin 12-də, Madriddəki "Santyaqo Bernabeu" stadionunda keçiriləcək.
