04.11.25
"Real"ın baş məşqçisi Karlo Ançelotti İspaniya kubokunun yarımfinal mərhələsinin "Barselona" ilə cavab oyununda qazanılan qələbəni (4:0) şərh edib.
Qol.az AS-a istinadən xəbər verir ki, o, vurduqları ilk qolun hər şeyi həll etdiyini deyib:
"Bu, tam oyun idi. Biz çətin anları yaxşı keçdik və ilk qol görüşün dinamikasını dəyişdi, daha çox boş yer tapdıq. Bu matça yanaşma "Barselona" ilə son 2 oyunda olduğu kimidi. Rodriqonun mövqeyini bir az dəyişdik, amma plan eyni qaldı. Kiçik detallar matçın nəticəsini müəyyənləşdirir. İlk qol fantastik idi, görüşün ikinci hissəsini müəyyənləşdirdi.
Əvvəlki 2 matçda “Barselona”ya uduzsaq da, pis nəticə bizim etibarımızı itirmədi".
Qeyd edək ki, 2 oyunun nəticəsinə görə "Real" Kataloniya klubunu ümumilikdə 4:1 hesabı ilə məğlub edərək İspaniya kubokunun finalına yüksəlib.Onlar həlledici görüşdə "Osasuna" ilə qarşılaşacaqlar.
Yeniliklərdən daha tez xəbər tutmaq üçün bizi Feysbukda da izləyin
