Qvardiola: "Bütün oyunlarda qalib gəlməsək, çempion olmayacağıq"

Qvardiola: "Bütün oyunlarda qalib gəlməsək, çempion olmayacağıq"
DÜNYA FUTBOLU 1 Aprel 2023 / 10:59 1279
-  A +

"Mançester Siti"nin baş məşqçisi Xosep Qvardiola İngiltərə Premyer Liqasının 29-cu turunda "Liverpul"a qarşı keçirəcəkləri oyundan gözləntilərini bölüşüb.

Qol.az xəbər verir ki, mütəxəssis çempion olmaq üçün qarşıdakı bütün oyunlarda qələbə qazanmalarının lazım gəldiyini deyib:

“Çempion olmaq üçün neçə matçda qalib gəlmək lazımdır? Hamısında. Bu qədər sadədir. Hamısını qazanmasaq, çempion olmayacağıq. Siz "Arsenal"ın stabilliyini görürsünüz, ona görə də bütün matçlarda qalib gəlməliyik.Futbolda heç vaxt heç nəyi dəqiq bilmirsən.

"Liverpul"la biz bir-birimizi yaxşı tanıyırıq. Onlar bizim edəcəyimiz hər şeyi bilirlər, biz də onların nə edəcəyini bilirik. Oyunlarda həm qalib gəldik, həm məğlub olduq. Çempion olmaq üçün təkcə bizim aramızda böyük mübarizə yox idi.

Kloppa inanılmaz hörmətim var. Əlbəttə, o, bir çox məşqçilər kimi mənə rəqibdir, amma onun karyerasına və futbol üçün etdiyi işlərə inanılmaz hörmətim var”.

Qeyd edək ki, sözügedən komandalar bu gün üz-üzə gələcəklər. Oyun Bakı vaxtı ilə saat 15:30-da başlayacaq.

Yeniliklərdən daha tez xəbər tutmaq üçün bizi Feysbukda da izləyin


Son xəbərlər
20.07.25  13:57

"Real" onu göndərir

20.07.25  11:39

"Roma"dan yeni transfer

19.07.25  18:25

"Real"da qalır