Tokio-2020-də 2 güləşçimizin ilk rəqibləri bilindi

Tokio-2020-də 2 güləşçimizin ilk rəqibləri bilindi
TOKİO 2020 1 Avqust 2021 / 09:50 2853
-  A +

Sabah Tokio-2020-də mübarizəyə başlayacaq güləşçilərimiz Rafiq Hüseynov (yunan-Roma, 77 kq) və Elis Manolovanın (qadın güləşi, 68 kq) ilk rəqibləri müəyyənləşib.

Qolaz xəbər verir ki, bu gün keçirilən püşkatma mərasimindən sonra Hüseynovun 1/8 finalda dünya ikincisi və Avropa üçüncüsü isveçli Aleks Kessidislə qarşılaşacağı dəqiqləşib. Görüş A xalçasında keçiriləcək. Avropa çempionu rəqibinə qalib gəlsə, 1/4 finalda Lamjed Maafi (Tunis) - Akjol Mahmudov (Qırğızıstan) cütünün qalibi ilə qarşılaşacaq.

Manolova isə ilk mərhələdə nigeriyalı Blessinq Oborududu ilə münasibətləri aydınlaşdıracaq. Qarşılaşma B xalçasında baş tutacaq. O, 1/4 finala yüksəlsə, Meerim Jumanazarova (Qırğızıstan) - Mimi Xristova (Bolqarıstan) duelinin güclüsü ilə görüşəcək.

Qeyd edək ki, bu çəkilərdə ilk görüşlər Bakı vaxtı ilə saat 6:30-da başlayacaq.

 

Daha çox


Son xəbərlər
16.09.21  13:59

Mbappe zədələndi