Polşa mətbuatı "Qarabağ" - "Visla" oyununun hakiminə təzyiq göstərir

Polşa mətbuatı "Qarabağ" - "Visla" oyununun hakiminə təzyiq göstərir
ÖLKƏ FUTBOLU 5 Avqust 2010 / 17:15 3379
-  A +

Avropa Liqasının üçüncü təsnifat mərhələsində yeganə təmsilçimiz olan “Qarabağ”ın “Visla” ilə keçirəcəyi cavab oyununa böyük diqqət ayıran Polşa mətbuatı maraqlı məsələlərə toxunub. Qol.Az-ın Polşanın sports.pl saytına istinadən verdiyi məlumata görə, “Visla”nın ötən mövsüm Çempionlar Liqasının ikinci təsnifat mərhələsində Estoniya “Levadiya”sına məğlub olmasından bir il keçməsinə baxmayaraq, klub hələ də özünə gələ bilmir: “Bu dəfəki rəqibimiz daha güclü təsir bağışlayan Azərbaycanın “Qarabağ” klubudur. Ağdam təmsilçisinin artıq Avropanın bir neçə iddialı klubunu sıradan çıxardığını nəzərə alsaq, “Visla”nın işi heç də asan olmayacaq. UEFA-nın türkiyəli Bülənt Yıldırımı bu oyuna baş hakim  təyin etməsi “Visla”nın işini daha da çətinə salıb. Bilirik ki, Türkiyə dövləti Qarabağ məsələsində həmişə Azərbaycanı dəstəkləyib. Bu iki dövlətin dost ölkə olması haqqında da məlumatımız var. Lakin inanmaq istəyirik ki, türk referi təxminən 30.000 azarkeşin izləyəcəyi axşamki oyunda hər hansı bir kobud səhvə yol verməyərək ədalət tərəfdarı olacaq. Bülənt Yıldırımın nə dərəcədə ədalətli hakim olduğuna isə “Qarabağ” - “Visla” oyunu başa çatdıqdan sonra aydınlıq gələcək”.
Göründüyü kimi, Polşa mətbuatı hələ heç nə baş verməmiş, indidən qardaş ölkədən olan hakimin təyinatını problemə çevirib. Çox güman ki, onlar bu yolla Yıldırıma təzyiq göstərməyə çalışırlar.


Son xəbərlər