«Qarabağ»la oyun «Visla»ya 100 min avroya başa gələcək

«Qarabağ»la oyun «Visla»ya 100 min avroya başa gələcək
ÖLKƏ FUTBOLU 18 İyul 2010 / 00:56 3816
-  A +

Polşa mətbuatı hesab edir ki, Avropa Liqasının üçüncü təsnifat mərhələsində Krakov «Visla»sının rəqibi Ağdamın «Qarabağ» klubu olacaq. Qol.Az-ın məlumatına görə, sport.pl saytı «Qarabağ»ı Azərbaycanın ən sevimli komandası adlandırıb.
Saytın yazdığına görə, «Visla»nın Azərbaycana çarter reysilə getməsi və orada yerləşməsi kluba ümumilikdə 100 min avroya başa gələcək. «Bu qədər pulu bir qədər əvvəl Çempionlar Liqasında Bakı «İnter»i ilə qarşılaşan «Lex» də xərcləmişdi».
Saytın əməkdaşlarının fikrincə, «Visla» növbəti mərhələyə çıxmaq üçün yaxşı şans qazanıb. «Çünki «Qarabağ» bu mövsüm ölkə çempionatında üçüncü yeri tutub».
Qeyd edək ki, yazıda Ağdam şəhərinin Qarabağ müharibəsi zamanı darmadağın edildiyinə də toxunulub. Komandanın ev oyunlarını Quzanlı qəsəbəsində keçirdiyini yazan polşalı jurnalistlər «Qarabağ»ın Avroliqada ev oyunlarını Bakıda qəbul edəcəyini yazıb.
Xatırladaq ki, «Visla» və «Qarabağ» Avroliqanın ikinci təsnifat mərhələsinin səfərdə keçirdiyi ilk oyununda qələbə qazanaraq növbəti mərhələyə çıxmaq üçün yaxşı imkan əldə ediblər. Polşa klubu Litva, Azərbaycan təmsilçisi isə Şimali İrlandiya komandasına müvafiq olaraq 2:0 və 2:1 hesabı ilə qalib gəlib. 

Daha çox


Son xəbərlər