Jaba “Bakı”ya “Buduçnost” üzərində əzmkar qələbə qazandırdı

Bu gün UEFA Avropa Liqasının ikinci təsnifat mərhələsinin oyunlarına start verilir. Cari avrokuboklar mövsümünə ölkə kubokunun sahibi kimi vəsiqə qazanaraq bu yarışda iştirak etmək hüququ əldə etmiş “Bakı” bu gün ilk oyununu keçirib. Səfərdə Şimali İrlandiya təmsilçisi “Portadaun”la qarşılaşacaq “Qarabağ”dan fərqli, “zolaqlılar” doğma divarlar arasında Çernoqoriya təmsilçisi “Buduçnost”la münasibətlərinə aydınlıq gətirib.

15 iyul
Avropa Liqası (ikinci təsnifat mərhələsi, ilk oyun)

21:00. “Bakı” (Azərbaycan) – “Buduçnost” (Çernoqoriya) - 2:1

QOLLAR: Beqiray, 37 (0:1). Kaykut, 77 (1:1). Jaba, 90+3 (2:1).
Bakı. Tofiq Bəhramov adına Respublika stadionu.
Baş hakim: Auqustus Viorel Konstantin (Rumıniya).

“BAKI”: 23. Xalidu Sissoko (k), 4. Vadim Borets, 2. Saşa Kaykut, 6. Dari Nibombe, 8. Ernad Skuliç, 10. Joal Epalle, 20. Fabio Luis Ramim, 30. İbrahim Karqbo, 32. Aleksey Savinov, 77. Aleksandr Soliç, 85. Jaba.
Ehtiyat oyunmular: 1. Marko Şarliya, 7. Mahmud Qurbanov, 11. Adnan Bərəkət, 15. Cəmşid Məhərrəmov, 21. Emin Cəfərquliyev, 25. Anqulo Cefferson, 27. Bəxtiyar Soltanov.
Baş məşqçi: Vinfred Şefer.
“BUDUÇNOST”: 1. Miloş Draqoyeviç, 2. Dorbe Dikanoviç, 6. Draqan Aykoviç, 8. Ardian Dyokaj, 10. Nenad Brkoviç, 17. Slobadan Haziç, 22. Yovan Nikoliç, 24. İvan Vukoviç (k), 25. Fatos Beqiray, 26. Radivoy Qoloboviç, 31. Qoran Adamoviç.
Ehtiyat oyunçular: 27. Yasmin Aqoviç, 9. Stefan Muqoşa, 14. Petar Vukçeviç, 13. Nikola Vukçeviç, 16. Milan Raduloviç, 20. Draqan Boskoviç, 28. Darko Nikaç.
Baş məşqçi: Nikola Rakoyeviç.

* Komandalar meydanda oyunqabağı son məşqlərini edirlər. Stadiona hələlik 7-8 min azarkeş toplaşıb.

* Komandalar artıq meydana çıxırlar

Oyun başladı

2. "Bakı" dərhal hücuma atılıb və erkən qol vurmağa çalışır. Ramimin uzaqdan qapıya zərbəsi rəqib müdafiəçidən dönür

7. Oyunda ilk sarı vərəqə. Yovan Nikoliç əllə oynadığı üçün sarı vərəqə ilə cəzalandı

9. Epallenin qapıya zərbəsi yan keçir

10. Komandamızın təzyiqi getdikcə artır. Fabionun ötürməsindən sonra Boretsin güclü zərbəsini qapıçı çətinliklə kornerə çıxardı.

11. Künc zərbəsindən sonra Şoliçin baş zərbəsi təhlükəli oldu

13. Rəqib komandanın ilk təhlükəli hücumu. Beqiray Sissoko ilə üz-üzə qalsa da, qapıçımız komandamızı qoldan xilas edə bildi

16.Dyokajın qapımıza zərbəsində dəqiqlik çatışmadı

21. Komandamızın rəqib qapısı qarşısında daha bir təhlükəli vəziyyəti bəhrəsiz qaldı

24. Jabanın uzaqdan zərbəsini qapıçı çətinlik çəkmədən tutdu

Komandamız oyuna nəzarət etsə də, rəqib tamamilə müdafiəyə çəkildiyindən təhlükəli hücumlar qurmaq çətindir

29. Karqbonun uzaqdan zərbəsini qapıçı barmaqlarının ucuyla kornerə çıxardı 

33. Kaykutun uzaqdan zərbəsi zamanı qapı çatı komandamızın hesabı açmasına mane oldu

37. Beqiray kapitan Vukoviçin ötürməsindən sonra uzaq küncü dəqiq nişan alaraq hesabı açır - 0:1

Bu dəqiqələrdə yağış başlayıb və futbolçular güclü yağış altında mübarizə aparmaq məcburiyyətində qalıblar

Komandamız buraxılan qoldan sonra hücuma atılıb. Belədə çernoqoriyalılar əks-hücumlara əl atmağa başlayıblar

Birinci hissə başa çatdı

İkinci hissə başladı

46. Soliçin uzaqdan zərbəsi qapıdan yan keçir

Komandamızın iki dəfə ardıcıl hesabı bərabərləşdirmək imkanı olsa da, rəqib oyunçular son anda topu qapı xəttindən çıxardırlar

54. Komandamızın heyətində ilk əvəzləmə. Soliçin əvəzində meydana Anqulo Cefferson çıxır

59. Dyakej Skuliçə qarşı qaydanı pozduğuna görə sarı vərəqə alır

64. Nibombe kobud oynadığına görə sarı vərəqə alır

67. Jabanın təhlükəli zərbəsi qapıdan azca yan keçdi

Güclü yağış hələ də davam edir və bu komandamızın daha baxımlı oyun sərgiləməsinə imkan vermir

68. Sissoko komandamızı real qoldan xilas edir və topu kornerə çıxarmaq məcburiyyətində qalır

70. Anqulonun zərbəsi qapının üstündən keçir

Qonaq komandanın üzvləri yerli-yersiz özünü yerə ataraq, vaxt qazanmağa çalışır

73. Jabanın hesabı bərabərləşdirmək üçün əla imkanı olsa da, qapıçı onun fərqlənməsinə imkan vermədi

74. Qonaqlar da hesab arasındakı fərqi artırmaq imkanını qaçırdı

77. Qooooooolllllllll. Komandamız hesabı bərabərləşdirir. Qolun müəllifi Kaykut - 1:1

Qol vurulan ərəfədə yağış da kəsdi və həm bu, həm də vurulan qol komandamızı daha da ruhlandıra bilər

Rəqib komandanın da heyətində ilk dəyişiklik. Qoloboviçi Draqan Boskoviç əvəzləyir

82. Yovan Nikoliçi Petar Vukçeviç əvəzləyir

84. Aykoviçin cərimə zərbəsi qapının üstündən keçdi

87. Ramimə qarşı qayda pozuntusundan sonra təhlükəli nöqtədən cərimə zərbəsi təyin edilir. Lakin Ramimin özünün vurduğu zərbə müdafiəçiyə dəyib qapıdan yan keçir

89. Kaykut qələbə qolunu da vurmağa yaxın olsa da, baş zərbəsindən azca dəqiqlik çatışmadı

4 dəqiqə əlavə vaxt təyin olunur

90+3. QOOOOOOOOOOOOOOOOOOOOLLLL. Jaba cərimə zərbəsindən vurduğu möhtəşəm qolla komandamızı hesabda önə keçirdi - 2:1.

90+3. Jaba qol sevincini formasını çıxararaq qeyd etdiyi üçün sarı vərəqə alır

Oyun başa çatdı